Kolosiya 3:13 - UWONBƆR A GBƆNPƆŊ LIKƆƆNL

¹³ Ni li jɔɔ limɔril nin taba, wee ki jiɛn per tab a galin, ki jiɛn per tab ke Uyudaan kaah jiɛn per ni man nin.

Uwumbɔr aagbaŋ

¹³ ki li kpa limɔr tɔb chee. Ni ponn ni ubaa ni uŋeen aatɔ yaa kpa tibɔr kan, ni di cha pinn tɔb. Tidindaan aah di cha pinn nimi pu na, ni mu di cha pinn tɔb kina.

Kolosiya 3:13 ပူးပေါင်းရင်းမြစ်များ

Matiu 5:44

Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Matiu 6:12

Jiɛn ti bir ki per ta. Ke ti mu kaah jiɛn per ti pɔndam man ni.

Tibɔnyaan ti Mak ŋmee ti na 11:25

Ni ye ni yin miɛ Uwonbɔr ke, wee ki tiɛr ke uba tun ki bii ni ke, jiɛn per wa, wee ni baa wan be paab nan mu li jiɛn ni toonbir per ni.

Tibɔnyaan ti Luk ŋmee ti na 11:4

Jiɛn tibir ki per ta ke ti mu kaah jiɛn ban bii ti a bir ki per bi man nin ki laa liin ti ki kɔɔn libiginlin ni.’ ”

Tibɔnyaan ti Luk ŋmee ti na 23:34

Le Yisa ke, “N Baa, jiɛn bi bir ki per ba, nan bu-n baa nyi baah tun nan ni.” Le bi nan tɔn inaa ki por u wan yɔɔr.

Rom Yaab 15:7

Ni gaam tab, ke Masiya kaah gaa ni man nin, naah li ŋa man wee ni fir ta npagim ki sei Uwonbɔr.

2 Korenti 2:10

Ni ye ni jiɛn wan a bir ki per u ke, n mu jiɛn per wa. Le nan wee n jiɛn perin, hali ni ye niba le n jiɛn per ke, nim bu le n jiɛn per u Masiya a nintogil,

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

Galantiya 6:2

Ni li tug tab a tugi ya man, ni ye ni ŋaan man ke, ni li gbeen Masiya a siimin.

Efesusi 4:2

Ni jiin niba, ki li be soon, ki li jɔɔ limɔril nin njiɛm nin tab.

Efesusi 4:32

Ni li ŋaan tab tiŋanna, ki li san tab kunyunyunbaaga, ki li jiɛn tab a bir ki per ke Uwonbɔr kaah jiɛn per ti Masiya bu man nin.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

Jemisi 2:13

nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

1 Piita 2:21

Ni nan bu le Uwonbɔr nan yin ni, nan bu-n Masiya nan jin fala ni bu-u, ki wɔɔn ni limagil, ke ni li nɔɔ u tabogi ya.