Kolosiya 3:12 - UWONBƆR A GBƆNPƆŊ LIKƆƆNL

¹² Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

Uwumbɔr aagbaŋ

¹² Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

Kolosiya 3:12 ပူးပေါင်းရင်းမြစ်များ

Matiu 24:22

Naa ye Uwonbɔr tɔɔl li nan war limugil lan chaan nmɔn a weehn ke, uba kaa yin ŋmari. U ninfogannkaab a nyunyunbasanl bu le u li war limugil nmɔn a weehn.

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 24:31

Kunaatuŋ na li mɔɔ, le u li tun u malakam le bin jo ki tan lagin u ninfogannkaab ban be paab a logi biɛn.

Tibɔnyaan ti Mak ŋmee ti na 13:20

Ni ye Uyudaan kaa war fala a dam nmɔn wee i yin yab man ke, uba kaa na li ŋmari, amaa u ninfogann kaabin a nyunyunbasanl bu, u li war fala a daai nmɔn a yabim.

Tibɔnyaan ti Mak ŋmee ti na 13:22

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

Tibɔnyaan ti Mak ŋmee ti na 13:27

Iyaayoo nmɔn, u na yin tun malakam le kutingbɔŋ nan yaan biɛn, liwonpɔɔnl nin liwonlul, nin nnɔɔgan, nin nnɔɔjiin, wee bin lagin Uwonbɔr a ninfogannkaabin bogiliba.

Tibɔnyaan ti Luk ŋmee ti na 1:78

Nan bu-n tim a Wonbɔr u a nyunyunbasanl bu, u li dan ti ban ke liwonpɔɔnl kaah nyann bɔɔn man nin.

Tibɔnyaan ti Luk ŋmee ti na 18:7

Ke Uwonbɔr kaa li sei u ninfogann kaab ban miɛ u nween nin kunyiɛgin ibamɔn naa? U li yii baa?

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Rom Yaab 13:14

Amaa ni ta Uyudaan Yisa Masiya ki yee ke kuwan yee waŋin, ki laa ban nsan man wee ni li nɔɔ ki tun tigbanann a kɔlisa birugin a bami.

Rom Yaab 9:11

Nin ni ma biɛn ni, baah kaa la nan ma njaanbum nmɔn nin, bee nin nbuwaab nmɔn n nan tun nan ŋan bee nan birin, ni ye Uwonbɔr kaah ban ki gann nan le n sir.

1 Korenti 13:4

Njiɛm ye limɔril le, tininforin le ye njiɛm, maa ye lipiiponli, maa ye ligbingbanl faali, maa ye kalanbaani.

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Efesusi 1:4

Uwonbɔr kaah kaa la nan naan dulinya n-yonn man nin, le U nan gann tim ke ti li be kasi ki laa jɔɔ igalin U ban ni. U jiɛm bu,

Efesusi 4:2

Ni jiin niba, ki li be soon, ki li jɔɔ limɔril nin njiɛm nin tab.

Efesusi 4:24

wee ki ta tigbanann pɔnn tan wee Uwonbɔr nan naan nin ki yee ki li nann Uwonbɔr nin ibamɔn a buchinn nin kasi a binbem.

Efesusi 4:32

Ni li ŋaan tab tiŋanna, ki li san tab kunyunyunbaaga, ki li jiɛn tab a bir ki per ke Uwonbɔr kaah jiɛn per ti Masiya bu man nin.

Filipi 1:8

Uwonbɔr le ye n siɛradaau, ki nyi maah ban n kan ni bu man nin Masiya a jiɛmin.

Kolosiya 3:10

ki yee nbinben pɔɔn le, nbinbem nmɔn le Uwonbɔr pɔŋir mi nin nyinyimin le mi nann uma wan naan min.

1 Tesalonika 5:15

Ni laa che uba nta tibir ki yɔ tibiri, amaa ni pɔɔn niba ki li jɔɔ nbinben ŋan nin tab nin uninfo biɛn.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

2 Timoti 2:10

Mambu le n pɔɔn nba niwann biɛn nin Uwonbɔr a ninfob gannkaab nbu, ke bi mu n kan nŋmarim man be Masiya nin, nin jilima kan kaa jɔɔ ndiɛmin.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

1 Jɔnn 4:19

Ti jiɛ U nan bu-n Uma nan chinn jiɛ ti.

2 Jɔnn 1:13

A ninsa gannkaa win a buwaab poorin.

Tibɔkpiirkaan 17:14

Bi na li to Kipeebigin bitɔb, amaa Kipeebigin na li nyaŋ bi, nan bu-n kipeebig nmɔn le ye biyudam a yudaau nin bibɔrtiib a bɔru, le ban na li be u ban ye ban wee u yin ki gann bi, wee bi ye yadadam ki nɔɔ win.”