Kolosiya 3:11 - UWONBƆR A GBƆNPƆŊ LIKƆƆNL

¹¹ Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.

Uwumbɔr aagbaŋ

¹¹ Naah kpa mbimbipɔm na, naa ki yakr Juu yaab, ni binib bi kaa ye Juu yaab na, ni binib bi gii ŋichakpan na, ni binib bi kaa gii na, ni biwɔwɔm, ni timoor ni aanib, ni binaagbiib, ni bimalb. Ni mɔmɔk kpaan la. Kristo le jer tiwan ngbaan mɔmɔk, ki bi waanib mɔmɔk ni.

Kolosiya 3:11 ပူးပေါင်းရင်းမြစ်များ

Jɔnn 14:23

Le Yisa jiin ke, “Ni ye wan jiɛm ke, u li ŋa maah wɔɔn man. N Baa li jiɛ u, le n Baa nin min li dan u ban ki nan be u ban.

Jɔnn 15:5

“Min le ye linyagil; le ni ye ibon. Ni ye ke uninfosaal be nin min wee n be nin u ke, u li lo iloon takpem; naa ye n bu ke naa li fir ŋa niba.

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Lituln 15:17

ni bu bininfob ban gur le ban Uyudaan, nin ban biɛn kaa ye Juu yaab wee ki jɔɔ n yinlin, Uyudaan wan tun man nmɔn le len man’

Lituln 28:2

Bininfob ban a niin nan be niin nmɔn nan ŋmag ti nbamɔm pam. Bi nan mann nŋmi le ki sei ti ke ti li wora le ki sin poor ti nin ti foom, nan bu-n utaal le nan nun le tiwar be.

Lituln 28:4

Ligungonl nmɔn a paab a ninfob kaah kan uwa-n kaah jɔn Pɔɔl a nɔɔ bu man nin, le bi bei tab ke, “Uja nan ye uninfokur le, nin waah le ŋmar limɔgil nan a poolin nan biɛn yɔli, bitakpiib kaa yin jiɛn un be u miɛfolin ni.”

Rom Yaab 1:14

Ni kpaa le nin n pag tibɔŋann nan ki sei Girig yaab nin ban kaa ye Girig yaab, ki pag ti ki sei bilandam nin tijɔri.

Rom Yaab 10:12

Juu yaab nin ban kaa ye Juu yaab kaa jɔɔ nbɔgirimi, uyudaan uba nmɔn le ye bi biɛn nan a yudaau le u kaar takpem be ban biɛn yi win nbu,

Rom Yaab 3:22

Nbuchin binben man nyan Uwonbɔr ban nmɔn nyan yada kan wee bi jɔɔ nin Yisa Masiya nle, ki tenn ban biɛn ŋa u yada-n. Naa jɔɔ nbɔgirimi,

Rom Yaab 3:29

Uwonbɔr ye Juu yaab a binba a Uwonbɔr u lee? Waa ye ban kaa ye Juu yaabin ma a Uwonbɔr waa? Nn U ye ban kaa ye Juu yaab tɔɔl a weem le,

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

1 Korenti 14:11

Ni ye maa nyi uba kaah pag tibɔr tan ki tenn nim ke, n ye libobanl le udaan ban le u mu ye libobanl n mu ban.

1 Korenti 7:19

A jii ke ni ye yɔli le, ŋaa ti ji jii ke ni ye yɔli le. Nan kpaa talar ye ni ŋmag Uwonbɔr a siimin le.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Efesusi 1:23

Biwonjiɛm a laguŋ nmɔn le ye U gbanann, le U gbanann nmɔn gbee nin U ma Masiya a pɔɔm, le U mu gbee nin niwann biɛn.

Efesusi 2:14

Nan bu-n uma baan tɔɔl le ye ti posɔɔm, u nan che tim Juu yaab nin ban kaa ye Juu yaabin lagin ki ŋa uninfo uba ki tir ligonl lan nan ye nbɔgirim a gonl ki be ti sisiigin nin ki jaa,

Efesusi 2:15

u tɔɔl a gbanann le u nan ta junn Juu yaab a siim nin bi kɔɔi biɛn. Ke un che nposɔɔn ndan ibol ilee nmɔn a sisiigin, wee bin lagin ki li ye libol liba,

Efesusi 3:17

wee Masiya li be ni sufu-n ni yada bu. Le n miɛ u ke un che ni fir ki sir nbamɔm ki baan inyaan njiɛmin,

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Efesusi 6:8

Nan bu-n ni nyi ke Uyudaan na li yɔ uninfo biɛn u toon ŋan kaah ye man, ŋaah ye uyom bee ŋaah ye a ba.

Kolosiya 2:10

le Uwonbɔr ta Masiya le ki gbeen ni, wan ye npɔɔn biɛn nin tininkper a pɔɔm a yudaau win.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

2 Jɔnn 1:9

Uninfo wan paa lagir wee kaa gbaa be Masiya a wɔɔmin yaan ke, waa jɔɔ Uwonbɔr i; wan gbaa be nwɔɔmin yaan ke, u jɔɔ Baa nin Bija-n le.