Kolosiya 2:7 - UWONBƆR A GBƆNPƆŊ LIKƆƆNL

⁷ ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

Uwumbɔr aagbaŋ

⁷ ki too chuu u ke busub aanyaan aah koo kitiŋ pu na, ki li bae waabɔr n‑yoonn mɔmɔk, ki gaa ti ki kii mbamɔm, taah nan tuk nimi pu na, ki li dooni u n‑yoonn mɔmɔk.

Kolosiya 2:7 ပူးပေါင်းရင်းမြစ်များ

Tibɔnyaan ti Luk ŋmee ti na 6:48

U nann uja wan nan maa u niin nan le. U nan gbii le jiir tum ki tan pii kutangbapiig, le ki bil lifiɛl tɔɔn li bu ki maa. Ni bɔɔn bu le utaal dan ki nan nun takpem, le nkpen gbee, le kunyunmaŋ don ki nan tel iniin nmɔn, amaa yaa nan lu, waah nan maa i timaaŋann nin bu.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

2 Korenti 1:21

Daandaan nan Uwonbɔr le che tim nin nim si nbamɔm Masiya ni. U ma gann ti le ti jɔɔ nbɔgirim,

Efesusi 3:17

wee Masiya li be ni sufu-n ni yada bu. Le n miɛ u ke un che ni fir ki sir nbamɔm ki baan inyaan njiɛmin,

Efesusi 4:21

N nyi naah gbir u bu, le bi tinn ni u bɔr ki wɔɔn ni ibamɔn yan be Yisa ni nmɔn.

Efesusi 5:20

ni li pagir ti Baa Uwonbɔr iyoo biɛn nin niwann biɛn nin na ti Yudaau Yisa Masiya a yinl bu.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

1 Tesalonika 5:18

niwann biɛn a poolin ke ni li poor Uwonbɔr a, Uwonbɔr a bam le yen ki sei ni Masiya bu.

2 Tesalonika 2:17

Un sei ni lipoobil ki pɔɔg ni gbanann nin itoon ŋan nin imɔleen ŋan.

Hiibru Yaab 13:15

Mambu, Yisa a yinlin bu, ni che ti li pagir Uwonbɔr kumanug a pag kan nya timɔgban yin ki wɔɔn U yinlin.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

Juud 1:12

Bininfob nan ŋaan ni mɔkpaam a jiirin le tijaginn, bi lagin ji nin ni le ke ifa kaa jɔɔ bi, bi ye bipeekpaab ban jinn biba le ki jiɛn tiwankor. Bi nann titalangbann tan kaa jɔɔ utaal wee ntafaam daar mi chaa-n le, ki nann lipiɛl a siigi yan a far soor wee yaa jɔɔ iloon nin ki ŋab lu, wee ki kpo nfim milee-n.

Juud 1:20

Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.

Juud 1:24

Uwonbɔr wan li fir ŋmag ni wee ni laa lu-n, U li ta ni ki siin U nintogil U pag kan kaa jɔɔ igalin ki jɔɔ nmɔn takpen nin bu.