Kolosiya 2:23 - UWONBƆR A GBƆNPƆŊ LIKƆƆNL

²³ Ibamɔn, nsiim nmɔn nann man jɔɔ nlamgɔrikaam le, nin bi tɔɔl a bam a wonjiɛnl, nin bi bɔkar a jiininba, nin baah mug ki ŋmag bi gbanann man, amaa baa ŋmag nsiim man jɔɔ tinyɔɔr ki li nyan bi tigbanann a kɔlisa nin ni.

Uwumbɔr aagbaŋ

²³ Ni naahn nlan la, ki mu aa ye nlan. Bi dooni bisui aah gee tiwan ni na la, ki sunn bibaa taab, ki muk tiwon. Le baah ŋani pu na, naa ter bi ke bi chuu bibaa.

Kolosiya 2:23 ပူးပေါင်းရင်းမြစ်များ

Rom Yaab 13:14

Amaa ni ta Uyudaan Yisa Masiya ki yee ke kuwan yee waŋin, ki laa ban nsan man wee ni li nɔɔ ki tun tigbanann a kɔlisa birugin a bami.

Efesusi 5:29

Nan bu-n, uba kaa be ki nan u tɔɔl a gbanann ni, amaa u jinn ti le ki mann ti, ke Masiya kaah mann biwonjiɛm man nin,

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

Kolosiya 2:22

Ni niɛ nan biɛn ye ti wonleen le ki yin boon nin taah jɔɔ nan tun, nan bu-n ni ye uninfosaal a siim nin nwɔɔm le.

Kolosiya 2:8

Ni laa che uba n ta uninfosaal a biɛm man kaa jɔɔ nyɔɔrin ki lar ni kɔɔn tiyomirin ni, ni ma nyan bininfob a kaalin le nin kutingbɔŋ nan a maabiyiɛrugin, naa nyan Yisa ban ni.

1 Timoti 4:3

Bi kɔɔg bininfob le lipiikɔɔnl nin lijakunl, nin tijiir tibam a jim, tan wee Uwonbɔr naan ki ta sei tim ban ŋa u yada ki nyi ibamɔn nin, ke ti ga wee ki sei U kunɔɔpoogin.

1 Timoti 4:8

Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.