Kolosiya 2:2 - UWONBƆR A GBƆNPƆŊ LIKƆƆNL

² N lol ye n che bi sufu le npɔɔg, wee bi lagin tab nin njiɛm, wee bi li jɔɔ nbiɛm man yab, wee ki li fir biɛ Uwonbɔr a bɔwoonkaar ti ma ye Masiya,

Uwumbɔr aagbaŋ

² ke m pɔɔk bitaakpab. M ban ke ni mɔmɔk li kpaan kimɔbaan, ki li gee tɔb, ki bee Uwumbɔr aabɔr mbamɔm, aan ki li pak ti mbamɔm, ki taa joo beeni. M ban ke ni bee Uwumbɔr aabɔbɔrkaan, ti ye Kristo aabɔr na.

Kolosiya 2:2 ပူးပေါင်းရင်းမြစ်များ

Matiu 11:25

Iyaayoo nmɔn le Yisa len ke, “N Baa wan ye paab nin tum a Yudaau nan, n pooriŋ, nan bu-n a ta a bɔrin ki woon bilandam nin bibiɛndam, amaa le ki kpiir ti ki wɔɔn nbuwaab finfim;

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Tibɔnyaan ti Luk ŋmee ti na 1:1

Binib takpem nan pɔɔn bi ba ki sɔb kugbɔŋ nan a poolin tibɔr tan nan ŋa ti sisiigin.

Jɔnn 10:30

Min nin n Baa ye nba le.”

Jɔnn 10:38

Amaa ni ye ke n ŋa ni ke, naah kaa le ŋa min yada nan, ni ŋa ligarilin yadau, wee ni mann biɛ ke Baa-n be n ni, le n be Baa-n ni.”

Jɔnn 16:15

Niwann nan biɛn wee Baa-n ye-n ye n yann le. Ni ma bu le n ke kinaaŋin li ta maah ye nan ki wɔɔn ni wee ni biɛ.”

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 5:17

Le Yisa bei bi ke, “N baa le tun U toon le ki nan kpaa dinan, le n mu, tɔɔl, tun le.”

Jɔnn 5:23

ke bininfob biɛn li tenn Bija-n jilima ke baah tenn Baa-n jilima nan nin. Wan kaa sei Bija-n jilima ke waa sei Baa wan nan tun win, jilima.

Jɔnn 6:69

Ti ŋa yada ki nyi ke a ye Uwonbɔr a Kasi Daan le.”

Lituln 4:32

Biwonjiɛmin biɛn nan jɔɔ sufu uba nin potiɛl liba le. Bi ni uba kaa nan ŋmag waah jɔɔ nan ke ni ye u binba yaali, amaa bi nan por baah jɔɔ nan nmɔn tenn tab le.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

Rom Yaab 2:4

Bee a ziɛn Uwonbɔr a binben ŋamin a yabim nin U chee sei nin U mɔril nlee, kaa nyi ke Uwonbɔr kaah jɔɔ nbinben ŋan man nin ban a kpenn a binbem lee?

1 Korenti 14:31

Ni biɛn li fir pag ilinlen leen ki tenn tab wee nin che ni biɛn n kan ntinnim ki ji pɔɔg ni gbanann.

1 Korenti 2:12

Kinaaŋ kan wee ti gaa-n, kaa ye dulinya nan a naaŋi, amaa ki ye Kinaaŋ kan nyan Uwonbɔr ban le. U li che U naaŋin ter ti wee ti biɛ u piini nmɔn.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 3:16

N miɛ Uwonbɔr le ke Un ta U jɔɔm a pagim ki pɔɔg ni gbanann nmɔn U Naaŋ kan be ni nin bu,

Efesusi 3:3

ni ma ye waah nan kpiir tibɔwoonkaar ki wɔɔm, ke maah pii sɔb ti kugbɔŋ nan yaan wama-n.

Efesusi 6:22

Nan bu wee n nan tun u ni ban nin ye un nan wɔɔn ni taah be man, ki pɔɔg ni gbanann.

Filipi 2:1

Ni ye ni jɔɔ ngbananpɔɔn man nyan ni mɔkpaam man wee ni jɔɔ nin Masiya n ke, wee u bamin che ni sufu sɔɔn, wee ni jɔɔ nɔɔnintab nin kinaaŋin ke, wee ki jɔɔ nbinben ŋan nin tab ki san tab a nyunyunbaag ke,

Filipi 3:8

Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

Kolosiya 1:26

tibɔwoonkaar tan wee Uwonbɔr nan woon ibin nin n-yonn man nan jon nin, amaa wee U nin kpiir ki wɔɔn U ninfogannkaabin daandaan nan.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 1:9

Ni niɛ nan bu, lidaal lan wee ti gbir ni bu-n, taa ta Uwonbɔr a miɛm ni bu ki jiɛn ni, le ki le miɛ Uwonbɔr ke Un gbeen ni nnyinyin man ye u bam ki sei ni kinaaŋ a lam nin nbiɛm.

Kolosiya 2:19

Waa ji tug nin Masiya wan ye ni yulin ni, wan bu wee tigbanann biɛn tugin, uma ŋmag tigbanann le ti ŋmag tab nin tijiin, le ti yabirig ke Uwonbɔr kaah ban ti li yabirig man.

Kolosiya 3:14

Nin tiyeer nan biɛn, nan jon ni biɛn ni ye ni li jiɛ taba, njiɛm li lagin ni biɛn ki ŋmag nin nmɔkpaa man be kasi.

Kolosiya 4:3

Ki ji li miɛ U ki tenn ti, wee Uwonbɔr n loor nsan ki sei ti mɔleen yin, wee ti fir mɔɔn Masiya a bɔwoonkaarin, nan bu-n, tan bu wee n be libaalin ni.

Kolosiya 4:8

nan bu wee n tun u ni ban ye ni biɛ ti binbem kaah ye man, wee un pɔɔg ni sufu.

1 Tesalonika 1:5

nan bu-n tibɔŋann tan foon ni ban nin, kaa nan ye imɔleen a binba, amaa ti nan jɔɔ npɔɔn le nin Kasi a Naaŋ. Le ban nan mɔɔn ti-n chee ti nin yada. Taah nan be ni ban nin, ni nan nyi ti binbem kaah ye man nim bu.

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

2 Piita 1:3

Waah jɔɔ Uwonbɔr a pɔɔm man nin bu che ti jɔɔ taah ban nan limiɛfolin biɛn nin nwonjiɛn binben taah biɛ u nbu, wan yin ti u baantɔɔl a pag nin u ŋam bu-n.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.

1 Jɔnn 3:19

Ni niɛ nan bu le ti biɛr ke ti nɔɔ ibamɔn, le ni che ti jɔɔ lipoobil Uwonbɔr ban,

1 Jɔnn 5:7

Nan bu-n tiwann titaa le jin ni siɛra: