Kolosiya 2:13 - UWONBƆR A GBƆNPƆŊ LIKƆƆNL

¹³ Ni nan ye bitakpiib le ni birin n-yonn iba, le kaa jɔɔ lipunjiil a bir a binbemin, le Uwonbɔr che ni jɔɔ limiɛfol Masiya ni. Le ki jiɛn per ti biɛn nan a bir,

Uwumbɔr aagbaŋ

¹³ N‑yoonn mbaa, ni nan tun titunwanbir, kaa nan dii Uwumbɔr aakaal. Nima le naa nan kpa limɔfal li kaa kpa ndoon na. Naah kpaan Kristo ni dandana wee na, nima le Uwumbɔr fikr nimi. U di cha timi aatunwanbir mɔmɔk pinn timi.

Kolosiya 2:13 ပူးပေါင်းရင်းမြစ်များ

Tibɔnyaan ti Luk ŋmee ti na 15:24

Nan bu-n n big nan nan kpo le ki ji jirin nin limiɛfol; u nan bora le n ji nan kan u.’ Le bi piin kunaachuŋ a jim.

Tibɔnyaan ti Luk ŋmee ti na 15:32

Amaa ni ye ti ji kunaachuŋ le ki li jɔɔ npopeen, nan bu-n a waal nan nan kpo le, amaa le ki ji jirin u miɛfolin, u nan bora, le ti ji nan kan u.’ ”

Tibɔnyaan ti Luk ŋmee ti na 9:60

Le Yisa bei u ke, “Che bitakpiibin pii bitakpiib tab. Amaa fin li chaa ki tan mɔɔn Uwonbɔr a naam nan a bɔr.

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 6:63

Kinaaŋin le tenn limiɛfol; tigbanann ma be yɔli le. Imɔbon yan wee n pag tenn ni nan ye kinaaŋ le, ki ji ye limiɛfol.

Rom Yaab 4:17

Ke naah sɔb man Uwonbɔr a gbɔŋin nin: “Min le ŋaaŋ ibol takpem a baa.” U ye ti baa le Uwonbɔr ban, wan wee u ŋa u yada, U ma ye Uwonbɔr wan tenn bitakpiib limiɛfol wee ki che tiwann tan kaa nan be-n nin be ke ti pii nan be le-n.

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Rom Yaab 8:11

Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

1 Korenti 15:36

Kujɔrugaa! Ŋaah bun nan ni kaa li pa, see ke ni kpo.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 5:19

Ke Masiya bu le Uwonbɔr jir ki mɔŋir nin dulinya a ninfob, kaa ji kaan bininfob a bir tan wee bi tun ni. Le ki ta jir mɔŋ a bɔr ki sei ti.

Efesusi 2:1

Nim bu ke, ni nan ye bitakpiib le nin ban bii nsiim ni toonbir bu.

Efesusi 2:11

Mambu ni li tiɛr ke n-yonn man nan jon wee nim ban kaa nan ye Juu yaab wee Juu yaab nan yi ni “tipunjorin”, wee ki sin yi biba “ban jii-n”, (nan ye tigbanann wee bininfob ta bi nɔɔi ki ŋa-n),

Efesusi 5:14

nwonween le wonn niwann biɛn bu le ti ga. Mambu le ni sɔb Uwonbɔr a gbɔŋin ke, “Fin wan dɔ jiɛn nan, ligira, fii nkumin na, wee Masiya a wonweem nwonn a bu.”

Kolosiya 2:12

n-yonn man wee bi nan lagin pii ni nin Masiya Uwonbɔr a nyunfulin ni, wee ni ji fii nkumin nin Masiya ni yada-n Uwonbɔr a pɔɔm man nan fii-n u nkumin ni.

1 Timoti 5:6

Amaa lipukɔɔl lan ta liba ki sei tigbanann a bam ma pii kpou, hali nin waah le la fo-n nan biɛn yɔli.

1 Timoti 6:13

Uwonbɔr a nintogil, wan tenn niwann biɛn limiɛfol nin Masiya, wan nan sir Pontiɛ Palati a nintogil ki ŋa siɛra ŋaŋ n bu, n kpaaniŋ le

Hiibru Yaab 6:1

Mambu ni che ti jiɛn Masiya a bɔr tan ye npiinim a wɔɔnimin, wee ki ta nninkpelam ki wɔɔn ki jo nintogil, naa ji kpaa talar nin ti ji mann bil lifiɛl a bɔr tan wɔɔn ke ni jiɛn titoonbir tan ye nkum a samin a nɔɔma, amaa wee ki ŋa Uwonbɔr yada,

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Jemisi 2:17

Ni ye man le, yada a ŋaam a binba wee yada nin itoon kaa nɔɔ tab ke, yada kpiiŋ le yen.

Jemisi 2:20

Fin kujɔrug nan, a ban a biɛ ke yada wan kaa tun itoon ye yɔlii?

Jemisi 2:26

A li ke tigbanann tan kaa jɔɔ kinaaŋ kaah ye tigbanann kpiinn man nin, man le yada a ŋaam kan kaa tun itoon mu ye yada kpiiŋ.

1 Jɔnn 2:12

N buwaab, n sɔb kugbɔŋ nan le ki tenn ni, nan bu-n Masiya a yinl bu ni kan tibir a jiɛn pera.