Kolosiya 1:13 - UWONBƆR A GBƆNPƆŊ LIKƆƆNL

¹³ Nan bu-n U fee ti libunbɔnl a pɔɔmin na, le ki ta ti ki kɔɔn u bijiɛkaag a naam a yerin nin,

Uwumbɔr aagbaŋ

¹³ Uma le nan nyan timi mbɔmbɔɔn aanaan ni, ki nabr timi di buen Ujapɔgeehn aanaan ni.

Kolosiya 1:13 ပူးပေါင်းရင်းမြစ်များ

Matiu 17:5

Piita a mɔb kaa la nan lu tumi, le kitalangbɔŋ peŋ nyan paab ki nan degin bi bu, le bi gbir likukɔl liba pag kitilangbɔŋin, ki ke, “N bija sɔ, wan wee n num gbee, ni pelim u bɔr man.”

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 3:17

Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”

Tibɔnyaan ti Luk ŋmee ti na 13:24

“Ni pɔɔn ni ba wee ki nan kɔɔ linaanganl lan kaa yalin nan yaan. N bei ni le, bininfob takpem na li ban bin kɔɔ niin, le kaa yin fir kɔɔ.

Tibɔnyaan ti Luk ŋmee ti na 22:53

N nan be nin ni le idaa biɛn iwonjiɛn niin, le naa ta ni nɔɔ ki ma mi. Amaa iyoo nan le ye ni yonni, n-yonn man wee libunbɔnl a pɔɔm ŋmag dulinya nan.”

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 3:35

Baa-n kaah jiɛ Bija-n bu le u ta niwann biɛn ki ŋa u nɔɔn.

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 14:17

Nan bu-n Uwonbɔr a naamin kaa ye tijikaar nin tiwann nyuwann a bɔri, amaa mi ye nbuchin binben le, nin nposɔɔn, nin nmɔn Kasi a Naaŋin yaan,

2 Korenti 11:14

Naa ye ligarili. Man le Sintani baantɔɔl nan ta uba kpann nween a malaka.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

Efesusi 1:6

che ti pag Uwonbɔr U jilima nin U nyunyunbasanl lan wee U sei ti yɔli U bijiɛkaagin ni.

Efesusi 4:18

Bi biɛm ye libunbɔnl le, le baa kpiɛ Uwonbɔr kaah sei limiɛfol lan nin yaan ni, nan bu-n baa nyi niba le ki sin ji ye tukangbirdam.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Efesusi 5:8

Ni gbaa tɔɔl la nan be libunbɔnlin le, amaa le ti Yudaau bu, ni nin kpann ban be nwonweenin le daandaan nan. Mambu ni li be ke nwonween a buwaaba,

Efesusi 6:12

Taa kɔnn nin bininfob ban ye tigbanann nin nchamin ni, amaa ti kɔnn nin nnaam a pɔɔm, nin tininkper a pɔɔm, nin dulinya nan a bunbɔnl a pɔɔm, nin nnaanbiim man be paabin a pɔɔm.

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

Hiibru Yaab 2:14

Baah ye nbuwaab ki jɔɔ tigbanann nin nchamin, ni bu le Yisa mu nan kpann uninfo ke uma nin bininfob li jɔɔ tigbanann tiba, wee u kumin ke u nan bii Sintani wan ŋmag nkum a pɔɔmin,

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

2 Piita 1:11

man le li che ni ga ipoor ŋan ki kɔɔ nnaam man kaa jɔɔ diɛm ti Yudaau nin ti feeru Yisa Masiya nin.

1 Jɔnn 2:8

Nin ni ma biɛn nin, nsiim pɔm le n sɔb ki tenn ni, le ti kan ni bamɔn u ni nin ni ni, nan bu-n libunbɔnl fɔɔr le chaa le ibamɔn a wonweem pii nyagin le.

1 Jɔnn 3:14

Ti nyi ke ti pii nyan nkumin ki kɔɔ limiɛfolin na, nan bu-n taah jiɛ ti nabumin bu. Uninfo wan kaa jiɛ ke udaan la be nkumin le.

1 Jɔnn 3:8

Wan tun nan bir ke u ye ulinlaril a ninfou le, nan bu-n ulinlaril pii ye wan tun tibir le npiinimin na. Nan bu wee Uwonbɔr a Bija nan degirin ni, nan ye un bii ulinlaril a toon le.