Kolosiya 1:12 - UWONBƆR A GBƆNPƆŊ LIKƆƆNL

¹² wee ni li tenn ti Baa Uwonbɔr kunɔɔpoog, wan sei ni npaan ke nim nin uninfo gannkaabin nan por lifaal lan be nwonween a naam a yerin nin yaan nin.

Uwumbɔr aagbaŋ

¹² ki li dooni u; ba pu? uma le ŋa nimi binib bi ŋeer ke bi kan tiwan ni u ga tii waanib, nwiihn aanaan ni na.

Kolosiya 1:12 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 20:17

Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Jɔnn 4:23

Ni ma biɛn nan n-yonn chaan le ki pii foon na le ban ye ibamɔn a wonjiɛmin li jiɛn Baa-n kinaaŋin nin ibamɔn nin, nan bu-n bi ma ye biwonjiɛm ban wee Baa-n ban.

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 11:17

Ni ye Uwonbɔr gaa kisiig nmɔn a bon iba par ke, wee nim ban ye olif a siigin yan pan itɔɔl wee bi gaa isiig iba ki nan tugin ni wee ni nyu ni pɔɔm nya olif a siigin yaan nin,

Rom Yaab 15:27

Ni nan mɔ bi le ke bin tun man, le ibamɔn ni sin kpaan nin bin chaar man ki sei bi. Ni ma bu ni ye ban kaa ye Juu yaabin lagin por nin Juu yaabin Kinaaŋ a kaarin ke, ni kpaan nin bin ji lagin por nin Juu yaab bi wann yɔɔr a kaar.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

Rom Yaab 9:23

Ke ni ye U ŋa man ki ban bin biɛ U pag takpeŋ kan wee U ta ŋa bi ni-n, ban wee U nan chinn ŋa bi sili ki guun kupag nmɔn nin,

1 Korenti 8:6

tim ban ma ke, Uwonbɔr uba kpeŋileŋ le be, u ma ye ti Baa Uwonbɔr wan nan naan niwann biɛn, le Uyudaan uba kpeŋileŋ mu le be u ma ye Yisa Masiya, u ma bu le tiwann biɛn nan naan, le ti mu be u ma bu le.

1 Korenti 9:23

Tibɔŋann nbu le n tun ni niɛ nan biɛn, ke n nan ji ni nyɔɔr.

2 Korenti 11:14

Naa ye ligarili. Man le Sintani baantɔɔl nan ta uba kpann nween a malaka.

2 Korenti 5:5

Uwonbɔr le ŋa ti sili ki guun nan be nan paam, ki ta u Naaŋ ki sei ti le ni ye siɛra ke u li sei ti nan biɛn wee U siin limɔsiinlin.

Efesusi 1:11

Masiya ni le Uwonbɔr nan gann ti mu, ki ta ti kpann U tɔɔl a ninfob nin waah ban niwann biɛn ntun man U bamin,

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Efesusi 4:6

Uwonbɔr uba, nin ti biɛn a Baa, wan jon niwann biɛn, nin niwann biɛn bu, nin niwann biɛn nin.

Efesusi 5:11

Ni laa che ni nɔɔ be libunbɔnl a toon yan kaa jɔɔ nyɔɔr nmɔn yaan ni, amaa wee ki nyan ti npaan ni na.

Efesusi 5:20

ni li pagir ti Baa Uwonbɔr iyoo biɛn nin niwann biɛn nin na ti Yudaau Yisa Masiya a yinl bu.

Efesusi 5:4

Ki jiɛn ifa a geli nin ijɔr leen nin igel pɔɔr yan kaa kpaan ni, amaa nan kpaan nin ti li ŋaan ye liwonpagil le.

Efesusi 5:8

Ni gbaa tɔɔl la nan be libunbɔnlin le, amaa le ti Yudaau bu, ni nin kpann ban be nwonweenin le daandaan nan. Mambu ni li be ke nwonween a buwaaba,

Kolosiya 2:2

N lol ye n che bi sufu le npɔɔg, wee bi lagin tab nin njiɛm, wee bi li jɔɔ nbiɛm man yab, wee ki li fir biɛ Uwonbɔr a bɔwoonkaar ti ma ye Masiya,

Kolosiya 3:15

Ni che Masiya a posɔɔmin li ŋmag ni sufu, ke naah ye tigbanann tiba a ninfob wee u yin nposɔɔn ni. Ni li tenn Uwonbɔr kunɔɔpooga.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 12:23

ni foon biwonjiɛm ban ye nbininkpeemin ban na, ban a yin sɔb dɔ papaabin. Ni foon Uwonbɔr, wan ye bininfob biɛn a bɔjiru win ban na, bininfob buchim ban a naaŋ ŋa kasi,

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Jemisi 3:9

Lilanbil le ti jɔɔ pagir ti yudaau nin ti Baa, le ki biɛ jɔɔ li ki sugir bininfob, ban wee Uwonbɔr naan bi wee bi nann win.

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

Tibɔkpiirkaan 21:23

Kitiŋ nmɔn kaa ban nween bee uŋmal a wonweem li nyagin ki bu, nan bu-n Uwonbɔr a pagin le tenn ki nwonween, le Kipeebigin ye nin yaan a fila.

Tibɔkpiirkaan 22:14

“Tikaar be ban ŋunn bi wann yɔɔr bu, bi na li kan nsan limiɛfol a siigin ki nɔɔ itimansanmɔnn nin yaan ki kɔɔ kitiŋ nmɔn yaan.

Tibɔkpiirkaan 22:5

Kunyiɛg kaa ji na yin be nin yaan ni. Baa ji na li ban fila a wonweemi, bee nween a wonweemi, nan bu-n Uyudaan Uwonbɔr na li sei bi nwonween. Le bi na li ji nnaam ki li be hali nin iyoo yan kaa jɔɔ ndiɛm.