Juud 1:8 - UWONBƆR A GBƆNPƆŊ LIKƆƆNL

⁸ Man mu jigin, ban dɔgin man nmɔn bii bi baantɔɔl a gbanann le, le ki yiin tininkper a pɔɔm, ki jɔɔ kutingbiig ki tenn paab a wann naan wann tan fo.

Uwumbɔr aagbaŋ

⁸ Le bibiindam bi bi nikaasisik ni na aa gar nsurm ngbaan. Bi mu ŋani ke binib ngbaan aah nan ŋani pu na la. Bi len ke bi daŋ tidaŋ ti mɔk bi ke bi gɔr kidagook, ki seei Uwumbɔr aatuuntiib, ki taa kii unii ubaa aamɔb na.

Juud 1:8 ပူးပေါင်းရင်းမြစ်များ

Tibɔnyaan ti Luk ŋmee ti na 11:25

Ni ye u jir tan foo ki miin bi tigin iniin ni ki mann ni ke,

Tibɔnyaan ti Luk ŋmee ti na 12:11

“Ni ye bi choo ni ki ta ni dan tiwonjiɛndirin, bee ntim a ninkpeeb ni tininkper a pɔɔm ban, bee bibɔjib ban ki ke, bin pag ni bɔr ke, ni laa baan ni sufu ni ke ti yin pag ke nii wee ki nyan tiba tibɔrin ni.

Tibɔnyaan ti Luk ŋmee ti na 19:14

“Amaa u bɔɔn yaab kaa nan ban ubɔri le ki tun ntoon bin tan bei ke, ‘Taa ban uja nmɔn nŋa ti bɔru wi.’

Lituln 23:5

Le Pɔɔl jiin bi ke, “N nabum, maa nyi ke u ye kumanug a yudaau wi. Ni sɔb Uwonbɔr a gbɔŋin ke, ‘Naa ŋan nin a pag tibɔbir ki jiin bininfob a yudaau paami.’ ”

Lituln 7:27

“Amaa le wan mugir u kpiɛgin tir Moziz ki jaa ngbaan ki baan u, ‘Ŋma ŋaaŋ ti yudaau, nin ti bɔjiru waa?

Lituln 7:39

“Amaa le ti yaajam kaa nan chee u mɔbi. Mambu le che bi yii u, le ki tiɛr bi sufu ni ke bin ji jir Ijibir a tiŋin.

1 Korenti 3:17

Ni ye, wan bii Uwonbɔr a wonjiɛndiig n ke, Uwonbɔr mu li bii u yaadaan; Uwonbɔr a wonjiɛndiigin ye kasi a diig le, le ni mu le ye kudiig nmɔn.

1 Tesalonika 4:8

Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

1 Timoti 1:10

nin ban tun iwanjaab toon, nin ban yii bi piib wee ki dɔ nin bijab tabin, nin ban jɔɔ biyom kpeŋ nin ban ye tibɔkardam, nin ban ji tibɔkar a siɛra, nin ban biɛn kaa nɔɔ ibamɔn a wɔɔnimin,

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

1 Piita 2:17

Ni sei uninfo biɛn jilima kan kpaan u: Ni li jiɛ ni wonjiɛn tab a linlaginn na, ni li san Uwonbɔr ki li tenn ubɔr yudaan jilimau.