Juud 1:3 - UWONBƆR A GBƆNPƆŊ LIKƆƆNL

³ N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.

Uwumbɔr aagbaŋ

³ Maanigeekaab, nnimbil nan man ke m ŋmee kigbaŋ ki tuk nimi Uwumbɔr aah gaal timi lir pu na aabɔr tii nimi. M mu aa ŋmee kina; ba pu? ni muk mi ke m ŋmee kigbaŋ ki gaŋ nimi ke ni li pɔɔni nibaa ki li joo Uwumbɔr aabɔr, ki yii binib bi bii ti na. Uwumbɔr le nan di tibɔr ngbaan tii waaninyaam. Ubaa taa kpeln ti.

Juud 1:3 ပူးပေါင်းရင်းမြစ်များ

Lituln 17:3

ki wɔɔn ni taai ke ni kpaa talar le ke Masiya nji fala ki kpo ki fii nkumin, “Yisa wan wee n pag u bɔr nan, u ma ye Masiya nmɔn.”

Lituln 18:28

Nan bu-n uma nin Juu yaab kaah nan far limɔkpel nin tabin, le u yuur Uwonbɔr a gbɔŋ, ki wɔɔn bi ke Yisa le sin ye Masiya, ki pag nin npɔɔn, ki nyaŋ bi kuninfogbaluŋin yaan.

Lituln 20:27

Nan bu-n n pag ni Uwonbɔr a bam a bɔrin biɛn ki wɔɔn na, kaa gur tiba.

Lituln 28:28

“Mambu n ban ni biɛ le ke, Uwonbɔr a feeja a bɔr foon ban kaa ye Juu yaab n ban na, le bi li gbir ti!”

Lituln 4:12

Nŋmarim kaa be u ba ban ni, le liyinl liba le kaa be dulinya nan yaan wee Uwonbɔr ta sei bininfob ke bin yin ki kan nŋmarimi, see Yisa a binba.”

Lituln 6:7

Le bi mann mɔɔn Uwonbɔr a bɔrin. Le Yisa a bɔɔnɔɔb ban be Jerusalam nan a kanl nan kpiɛ weem weem, le Uwonbɔr a minmanib takpem chee Yisa a bɔŋann nin ki ŋa u yada.

Lituln 9:13

Le Ananiɛsi jiin ke, “Uyudaan, bininfob takpem le pag uja nmɔn bu, ki jiin niwann nan biɛn wee u tun ki jin a tɔɔl a ninfob fala Jerusalam man.”

Lituln 9:22

Le Sɔɔl a mɔɔni nmɔn nan mann ki kpiɛ nin Uwonbɔr a pɔɔm, le u bɔr nmɔn wɔɔn ke Yisa sin ye Masiya le, le Juu yaab ban be Damasiko nan a potiɛl nan ŋmarin.

1 Korenti 15:3

Nan wee n gaa-n ni ma le n mu ta sei ni le ni ye nan kpaa talar chinchinn: Ke Masiya kpo ti yaa bir bu le ke naah sɔb Uwonbɔr a gbɔŋ man ni,

Galantiya 2:5

Taa nan chee sei bi hali wama, naah li ŋa man wee tibɔŋannin a bamɔn li be nin ni.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Galantiya 6:11

Ni kan maah ta min tɔɔl a nɔɔ ki sɔb isɔb gbingbem yan ki sei na!

Efesusi 1:1

Min Pɔɔl wan ye Masiya a toom Uwonbɔr a bamin nin, N sɔb kugbɔŋ nan ki tenn Uwonbɔr a ninfogann kaab ban be Efesusi, ki si bi yada-n Masiya ban nin:

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Kolosiya 1:2

Le sɔb kugbɔŋ nan ki tenn nim ban ye ti nabum ban be kasi ki si bogil liba Masiya ni Kolosiya a tiŋin ni. Ti Baa Uwonbɔr a nyunyunbasanl nin u posɔɔm li be nin ni.

1 Tesalonika 2:2

Ni nyi taah nan be Filipi a tiŋin wee bi sugir ti ki jin ti fala man, biba nan gbaar le ke bin gɔɔ ti wɔɔnimin, amaa Uwonbɔr a pɔɔmin le ti kan lipoobil ki mɔɔn U bɔŋann nan ki tenn ni.

1 Timoti 1:18

N bija, Timoti, n jɔɔ ikpaan nan ki ŋaan a nɔɔn, ikpaan nmɔn ye bilinlem kaah pii nan pag man ki jiin a paamin le. Ni ye a nɔɔn min nbamɔm ke a fir kɔn likɔnŋanl.

1 Timoti 6:12

Kɔm likɔnŋanl nin yada. Li ŋmag limiɛfol lan kaa jɔɔ diɛmin, lan bu wee Uwonbɔr nan yiŋin, wee a ŋa siɛra ŋaŋ ki kpiir ki wɔɔn siɛradam takpemin.

2 Timoti 1:13

Ŋaah gbir man n ban nin, li ŋmag nwɔɔm bamɔm man wee n ta wɔɔn niŋ nbamɔm, nin yada nin njiɛm Masiya bu.

Taitus 1:4

N sɔb kugbɔŋ nan ki tenn fin Tatusi wan ye n big bamɔŋin, nin taah lagin ki jɔɔ yada kiba kan nin bu. Ti ba Uwonbɔr nin Masiya wan ye ti feeru win a nyunyunbasanl nin nposɔɔn li be niŋ.

Hiibru Yaab 13:22

N nabum, n balin ni le ke, ni li jɔɔ limɔril wee ki gaa n kpaan nan a bɔra, nan bu-n tibɔr wama le n ta sɔb kugbɔŋ nan ki sei ni.

Hiibru Yaab 6:9

N nabum hali nin taah le pag man nan biɛn na, ni biɛn yɔli ti jɔɔ tidindann, ti nyi ke ni jɔɔ tiwann ŋann tan nyan ni feegabin.

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

2 Piita 2:21

Ni ye baa bi nyi tibuchinn a samin ke, ni bi li ŋan ki sei bi ki jon nin baah nyi mi wee ki labir bi bɔɔn ki kpaa kasi a siim man wee bi nan ta sei bi nna.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin:

Juud 1:17

Amaa, n jɔtiib, ni li tiɛr nan wee ti Yudaau Yisa Masiya a tooi pii nan pagin buu.

Juud 1:20

Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.

Tibɔkpiirkaan 12:11

Bi nyaŋ wa kipeebig a cham bu nin bi siɛram bu baa nan jiɛ bi miɛfolin ki tan kaagi ki sul jir bɔɔn ki nyan nkumin ni.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.