Juud 1:20 - UWONBƆR A GBƆNPƆŊ LIKƆƆNL

²⁰ Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.

Uwumbɔr aagbaŋ

²⁰ Maanigeekaab, naah gaa Uwumbɔr aabɔr ti ye chain na pu na, ni li moo dii waasan mbamɔm, ki li mee u Waafuur Nyaan aapɔɔn pu,

Juud 1:20 ပူးပေါင်းရင်းမြစ်များ

Lituln 15:9

Waa wiɛr tim nin bima, nan bu-n U ŋunn bi sufu le bi yada bu.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 6:7

Le bi mann mɔɔn Uwonbɔr a bɔrin. Le Yisa a bɔɔnɔɔb ban be Jerusalam nan a kanl nan kpiɛ weem weem, le Uwonbɔr a minmanib takpem chee Yisa a bɔŋann nin ki ŋa u yada.

Lituln 9:31

Judiya nin Galilii nin Samariya a wonjiɛm a laguŋ kan nposɔɔn n-yonn nmɔn. Kasi a Naaŋ a teril bu le bi kan ngbanann pɔɔn, le bi kanl kpiɛ, le ki be ki san Uyudaan.

Rom Yaab 15:2

Che ti biɛn nan ntun nan li gbee a kunkɔɔn tab a num u tɔɔl a ŋann bu, wee u yada n mann yabig.

Rom Yaab 8:15

Uwonbɔr kaah ta U Naaŋ kan sei ni-n kaa ye Kinaaŋ kan li ŋa ni bi yom wee ni ji li san bijawaami, amaa U Naaŋ nmɔn bu le che ni kpann U naachim. Uma bu le ti kuun ki yi ke, “N Dindaau N Baa.”

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

1 Korenti 10:23

Ni ni biba len ke, “Niwann biɛn kaa kɔ” amaa naa ye niwann biɛn le jɔɔ tinyɔɔri. “Niwann biɛn kaa kɔ” amaa naa ye niwann biɛn le jɔɔ literili.

1 Korenti 14:15

Ke n ni yin ŋa nii? N li miɛ Uwonbɔr n naaŋin, le ki ji miɛ u n sufu ni, n li gaah ilan n naaŋin ki ji gaah n sufu ni.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

Galantiya 4:6

Naah ye Uwonbɔr a buwaabin bu le Uwonbɔr tun U big nmɔn a Naaŋ le ki dan ki nan be ti sufu ni, le kinaaŋ nmɔn yi ke, “Ti dindaau, ti baa.”

Efesusi 4:12

U nan ŋa ni niɛ nan ke un mann Uwonbɔr a ninfob biɛn le wee bin fir tun Uwonbɔr a toon ki che Uma Masiya a gbanann n maa ki do.

Efesusi 4:16

U ma bu le ti gbanann tug ki ŋmag tab, le tigbanann nmɔn tug tab ki maa tab kpiɛg nin njiɛm, le ligbanann bɔgil biɛn tun litoonl.

Efesusi 4:29

Ni laa che tibɔbir nyann ni mɔn ni, amaa ni li pag nan li fir ter ni kpiɛtiib, wee nin ŋa tinyɔɔr ki sei ban peligin.

Efesusi 6:18

Ni li miɛ Uwonbɔr Kinaaŋin ki li miɛ U nan yaan biɛn wee ni be nin liwonmiɛl lan a booli biɛn wee ni ban. Ki che ni niɛ nan li be ni sufu ni, ni li guu ni ba wee ki li miɛ ki tenn Uwonbɔr a ninfogannkaabin biɛn na.

Kolosiya 2:7

ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

1 Tesalonika 5:11

Ni ma bu ni li pɔɔg tab a gbanann ki li kpiɛg tab bu ke naah pii ŋaan man nin na.

1 Timoti 1:4

ki che bin nyan biba bi yaajam a bɔkpegir tan ye tibɔkar a teeni ki nyan bi yaajam a yiin npaamin. Ni ma che limɔkpel forin kaa ye Uwonbɔr a niin a toonl lan ye yada nbu.

2 Timoti 1:5

N tiɛr yada bamɔŋ kan wee a jɔɔ-n bu, ki ye yada kan wee a yaa Lɔsi nin a na Yunisi nan jɔɔ n-yaa booli le, le n nyi ke a tɔɔl jɔɔ yada nmɔn.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Jemisi 2:22

Ni kan ke u yada nin u toon nan lagin tab le ki tun, le u yada nan ŋa nbamɔm u toon a tum bu.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

1 Jɔnn 5:4

Uwonbɔr kaah ma nan biɛn nyaŋ dulinyau. Nnyaŋim man nyaŋ dulinya sɔ: Hali ti yada-n.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.

Tibɔkpiirkaan 13:10

Wan ye bin nan choo u tiyomir ke, see ki bi nan choo u tiyomir wan ye bi nan ta takoobi ki ku u ke, takoobi nmɔn le bi yin ta ki ku u. Mambu ni ŋan nin Uwonbɔr a ninfogannkaab li jɔɔ limɔril nin nyiginim ki ŋa Uwonbɔr yada nin ibamɔn.