Juud 1:13 - UWONBƆR A GBƆNPƆŊ LIKƆƆNL

¹³ Bi nann limɔgil a nyungbann tan fii takpemin le, le bi fai a toon nmɔn nann ke bichiib a puugin. Bi nann iŋmabil yan chon jin le. Uwonbɔr pii mann libunbɔnjal le li si guu bi.

Uwumbɔr aagbaŋ

¹³ Bi tun inimɔɔn aatuln la, ki naahn nnyusakpem aanyunkpenn ti ŋani tipupukr ni tijɔŋ nnyun aagbaan na la, ki ki naahn ŋiŋmabil ŋi kaa chuun ŋaasan ni na. Uwumbɔr ga di bi ŋa mbɔmbɔɔn ni, n‑yoonn mu kaa kpa ndoon na.

Juud 1:13 ပူးပေါင်းရင်းမြစ်များ

Filipi 3:19

Bi na yin joor nŋmi-n le, bi weem le ye bi pooi, le bi pag ye bi fai. Bi potiɛl biɛn be dulinya nan a wan yɔɔrin le.

2 Timoti 3:13

le tininfobir nin bilinlarib a toonbir li mann kpiɛ, le bin lar bitab le bi tab mu nlar bi.

2 Piita 2:17

Bininfob nmɔn nann kinyunbuŋ kan kaa jɔɔ nyum le nin liŋunl lan wee nfaam daar li chaa-n le. Libunbɔnjal le siin ki guu bi.

Juud 1:6

Le malakam ban kaa nan ŋmag bi ninkper a pɔɔm a sisibol amaa wee ki fɔɔr bi baantɔɔl a niin yin nin, Uwonbɔr ta ni niɛ le ŋa libunbɔnlin, ki lol bi tikulor tan kaa jɔɔ chiim ki guu tibɔr a jim lidaal takpenlin daal.

Tibɔkpiirkaan 20:10

Le Sintani wan lar bin, Uwonbɔr ta u ki gab lichibil lan gaan nŋmi-n ni a mɔgilin yaan, nan yaan wee bi nan ta kuwanbiigin nin tibɔkar a linlemin ki gabin. Ni yaan le bi yin ji fala nween nin kunyiɛg hali nin iyoo yan kaa jɔɔ diɛm.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”