Jɔnn 9:35 - UWONBƆR A GBƆNPƆŊ LIKƆƆNL

³⁵ Yisa nan gbir ke bi ŋɔɔr wan a num nan ligirin kuwonjiɛndiigin na, le u ban kan u, le ki ke, “A ŋa Usaal a Bija yada waa?”

Uwumbɔr aagbaŋ

³⁵ Yesu nan ŋun ke bi nyan u. Le u ti kan u, le ki baa u, “Aa gaa Uwumbɔr Aajapɔɔn ki kii ii?”

Jɔnn 9:35 ပူးပေါင်းရင်းမြစ်များ

Matiu 14:33

Le ban be kuŋaluŋin a poolin ni dan ki nan gbaan ki jiɛn Yisa ki ke, “Ibamɔn a sin ye Uwonbɔr a Bija le.”

Matiu 16:16

Le Simɔnn Piita bei u ke, “Fin le ye Masiya, Uwonbɔr wan fo nan a bija.”

Matiu 4:3

Le ulinlaril dan u ban ki nan bei u ke, “Ni ye ke a sin ye Uwonbɔr a Bija ke, a bei itangbag nan wee i kpann tijiir.”

Tibɔnyaan ti Mak ŋmee ti na 1:1

Tibɔŋann tan pag ki jiin Uwonbɔr a Bija Yisa Masiya paamin a piinim.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 1:34

N nan kan na, le ki jin siɛra ke Uwonbɔr a Bija-n sɔ.”

Jɔnn 10:36

ke wan wee Baa-n nan gann wee u ye u yaa win ki tunn u dulinya nan yaan nin? Ba ŋa wee ni galim ke n sugir Uwonbɔr maah ke ‘N ye Uwonbɔr a Bija-n’ buu?

Jɔnn 11:27

Le u bei u ke, “Nn, Uyudaan, n nyi ke a ye Masiya-n le, Uwonbɔr a Bija-n, wan nan ye un dan dulinya nan yaan nin.”

Jɔnn 20:28

Le Tomasi bei u ke, “N yudaau nin n Wonbɔru!”

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Jɔnn 5:14

Lidaal nmɔn a bɔɔn le Yisa nan ban kan u iwonjiɛn niin le ki bei u ke, “Lig, a pɔɔga. Jiɛn tibir a tuma, naa ye man ke nan bir jon man li fir kaŋ.”

Jɔnn 6:69

Ti ŋa yada ki nyi ke a ye Uwonbɔr a Kasi Daan le.”

Jɔnn 9:22

Nan bu wee u baa nin u na nan len man nin, bi nan san Juu yaab ban pii nan bon ke wan biɛn chee ke Yisa le ye Masiya-n ke bi li nyan udaan kuwonjiɛndiigin.

Jɔnn 9:34

Le bi jiin u ke, “Fin wan bi nan ma nin tibir nan, a mu ye ŋmiɛ ki li wɔɔn taa!” Le bi ŋɔɔr u kuwonjiɛndiig nmɔn yaan.

Lituln 8:36

Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Lituln 8:37

Le Filib bei u ke, “Ni ye a ŋa Yisa yada nin a sufu biɛn ke n li fuŋ.” Le u jiin ke, “N ŋa yada ke Yisa Masiya ye Uwonbɔr a Bija le.”

Lituln 9:20

Libol nmɔn le u piin ki mɔɔn Yisa a bɔr tiwonjiɛndirin, ke Yisa ye Uwonbɔr a Big le.

Rom Yaab 1:4

ki jiin u wonaaŋ paam mu ke, Uwonbɔr a Kasi a naaŋin nan wɔɔn nin npɔɔn ke u ye Uwonbɔr a bija le u kum a fiimin bu: U ma ye ti Yudaau Yisa Masiya.

Rom Yaab 10:20

Le Azaya ŋa lipoobil ki len ke, “Bininfob ban kaa nan choon ban min kan ma; N kpiir N ba ki wɔɔn ban kaa nan baan n bu-n na.”

1 Jɔnn 4:15

Uninfo wan chee ke Yisa ye Uwonbɔr a Bija ke, Uwonbɔr be udaan ban, le udaan mu be nin Uwonbɔr.

1 Jɔnn 5:10

Wan biɛn ŋa Uwonbɔr a bija nan yada jɔɔ siɛra nan u sufu ni. Wan kaa ŋa Uwonbɔr yada ta U ki labir tibɔkardaan na, nan bu-n waa ŋa yada Uwonbɔr a siɛra kan wee U jin U bija-n bu.

1 Jɔnn 5:13

N sɔb tiwann nan ki tenn nim ban ŋa Uwonbɔr a Bija a yinlin yada ke nin che ni biɛ ke ni jɔɔ limiɛfol lan kaa jɔɔ ndiɛm.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

1 Jɔnn 5:5

Ŋma ye u ki nyaŋir dulinyaa? Wan le ŋa yada ke Yisa ye Uwonbɔr a bija-n.

3 Jɔnn 1:10

Ni bu ni ye n dan ke, n li wɔɔn waah tun nan, u su ti bɔɔn le ki gbii ti bu. U num kaah kaa la gbee waah tun nan nin, le u nan yii kaa poor nnabumin ni, le ki ji gɔɔ ban ban bin poor bin ki ŋɔɔr bi nyan biwonjiɛm a laguŋin.