Jɔnn 9:29 - UWONBƆR A GBƆNPƆŊ LIKƆƆNL

²⁹ Ti nyi Uwonbɔr kaah nan pag sei Moziz, amaa uninfo nan ma, taa pii nyi waah nyan nan yaan ni.”

Uwumbɔr aagbaŋ

²⁹ Ti nyi ke Uwumbɔr nan len Moses chee tibɔr. Uja ngbaan ma kan, taa nyi waah nyan nin chee na.”

Jɔnn 9:29 ပူးပေါင်းရင်းမြစ်များ

Matiu 12:24

Amaa Farasii yaabin ma kaah gbir man nmɔn, le bi len ke “Nnaanbiim a bɔru le sei u npɔɔn nmɔn, ke u li nyan nnaanbiim bininfobin.”

Matiu 26:61

ki len ke, “Uja nan le ke, ‘N jɔɔ npɔɔn man li fir ber iwonjiɛn niin nan ki ji ta iweehn itaa ki ma i.’ ”

Tibɔnyaan ti Luk ŋmee ti na 23:2

Le bi nan piin ki galin u ke, “Ti kan uja nan le u be bei ti ninfob ke bi laa yɔ lampo ki tenn Siiza, ki ke u ma ye Masiya, ki ye ubɔr.”

Jɔnn 1:17

Uwonbɔr le nan che Moziz sei ti nsiim; le Yisa Masiya mu bu le ti kan linyunyunbasanl nin ibamɔn.

Jɔnn 7:27

Amaa ti nyi uja nan kaah nyan kitiŋ kan; Masiya-n nan foon ke, uba kaa yin nyi waah nyan kitiŋ kan ni.”

Jɔnn 7:28

Yisa kaah la nan be iwonjiɛn niin nin, le u tiɛn paab npɔɔn bu ki ke, “Nn, ni nyim, le ki nyi ma nyan nan yaan. Maa dan do n baantɔɔl a pɔɔm bu, amaa wan nan tunimin le ye ubamɔndaan. Nim kaa nyi wi,

Jɔnn 8:14

Le Yisa len ke, “Hali ni ye ke n ji n baantɔɔl a siɛra ke, n siɛra jil nmɔn ye ibamɔn le, nan bu-n n nyi maah nyan nan yaan ki ji nyi maah chaa nan yaan. Amaa nim kaa biɛ maah nyan nan yaan bee maah chaa nan yaan ni.

Jɔnn 9:16

Le Farasii yaab biba len ke, “Uja nan kaa nyan Uwonbɔr ban ni, nan bu-n waa ŋmag likpakɔɔl daali.” Amaa le biba baan ke, “Tibirdaan yin ŋa niin ki ŋa ligaril a siɛram nan naa?” Le bi potiɛm nan bɔgir.

Jɔnn 9:24

Le bi ji nan yin uja wan nan jɔɔn nin, le ki ke, “Pag Uwonbɔr a ti nyi uja nan kaah ye tibir daan.”

Jɔnn 9:30

Le uja-n jiin ke, “Man ke ni ye nan wee bi nan li tiɛr le! Naa nyi waah nyan nan yaan ni, u mu li ligir n num.

Lituln 22:22

Kuninfogbaluŋin le maan biba ki pel waah pag man nin nmɔn, nin waah nan nan len ni niɛ. Le bi don bi likukɔl ki tann papaab ke, “Uja nan kaa ŋan nin u li be kutingbɔŋ nan yaan ni. Ni ku mu man.”

Lituln 26:22

Amaa n kan Uwonbɔr a teril le ki nan kpaa dinan, le n be ki ji ni siɛra ki tenn ban gbee bininfob nin ban kaa gbee bininfob. Maah len man nan kaa lagir Uwonbɔr a linlem nin Moziz kaah nan len ke ni li tun man nin ni,

Lituln 7:35

“Moziz nmɔn le Iziral yaab nan yii u ki baan u ke, ‘Ŋma ŋaaŋ ti yudaau nin ti bɔjiru waa?’ Amaa u ma le Uwonbɔr gann ke u le ye bi yudaau nin bi feeru, le u ma Uwonbɔr che Malaka pag sei Moziz kumɔɔchiɛg a ŋmiimin, ki tun u niin.

Hiibru Yaab 1:1

Yaayoo nni, Uwonbɔr nan taar isaŋ takpem nin isan balbal le ki che bilinlem pag tenn ti yaajam,

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.