Jɔnn 8:55 - UWONBƆR A GBƆNPƆŊ LIKƆƆNL

⁵⁵ Hali naah kaa le nyi win, min nyi u. Ni ye n ke maa nyi u ke, n li ŋa tibɔkardaan ke nimin, amaa n nyi u le ki ŋmag u mɔleen.

Uwumbɔr aagbaŋ

⁵⁵ Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

Jɔnn 8:55 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Tibɔnyaan ti Luk ŋmee ti na 10:22

N Baa le ta ni nan biɛn ki seim; uba kaa nyi Bija-n kaah ye wan ni see Baa nmɔn a binba, le uba mu kaa nyi Baa nmɔn kaah ye wan ni see Bija-n nin ban mu wee Bija-n gann ki kpiir ki wɔɔn ni.”

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 10:15

a li ke Baa-n kaah nyim man nin wee n mu nyi Baa-n, le n ta n miɛfol kpenn ipee-n.

Jɔnn 15:10

Ni ye ke ni chee sei n siimin ke, ni li be nin n jiɛmin yaan, ke maah chee sei n Baa a siimin man wee ki be u jiɛmin yaan man nin.

Jɔnn 15:21

Bi yin ŋaa ni nan le n yinl bu, nan bu-n baa nyi Wan nan tunimi.

Jɔnn 16:3

Bi li tun ni nan biɛn, nan bu-n baa nyi Baa-n bee min ni.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 6:46

Uba kaa la nyi kan Baa-n ni, man ke wan nyan Uwonbɔr ban nin; u yaa binba le nan kan Baa-n.

Jɔnn 8:19

Tɔ le bi baan u ke, “A Baa be laa?” Le Yisa jiin ke, “Naa nyi min bee N Baa, ni bi nyi min ke, ni bi li nyi n Baa mu.”

Jɔnn 8:29

Wan nan tunimin be n ban; waa jaam n binba, nan bu-n n gbaa ŋaan nan gbee u num le.”

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Jɔnn 8:51

N bei ni ibamɔn le, ni ye ke wan biɛn ŋmag maah wɔɔn man ni ke, waa li nyi kpo.”

Jɔnn 8:52

Ni nan bu le Juu yaab nan waag ki ke, “Daandaan nan ti biɛ ke a jɔɔ kinaanbiig! Abiraham nan kpou nin bilinlem tɔɔla, amaa a ke wan biɛn ŋmag ŋaah wɔɔn man nin ke waa li nyi kan nkumi.

Lituln 17:23

Nan bu-n maah gɔnn ni tiŋ nan, n dibir tiwann tan wee ni jiɛn nin le nbamɔm, hali ki nan kan libinbinl liba le ni sɔb libu ke, libinbinl nan si “NWEEN MAN WEE TAA NYI” nan a taalin le. Daandaan nan n ban n wɔɔn ni nween man wee ni jiɛn wee kaa sin nyi Win yaa bɔr le.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

1 Jɔnn 1:6

Ni ye ti ke ti jɔɔ nɔɔnintab nin Uma le amaa le ki la choon libunbɔnlin ke, tibɔkar le ti por nmɔn taa be nin ibamɔn ni.

1 Jɔnn 2:22

Ŋma ye tibɔkardaan naa? Wan kaa chee ke Yisa le ye Masiya-n. Udaan ye Masiya a dataag le. U yii Baa-n nin U bigin le.

1 Jɔnn 2:4

Wan len ke, “N nyi u,” amaa wee kaa tun Uwonbɔr kaah siin man nin ke, udaan por tibɔkar le, le ibamɔn nin kaa be u ban ni.

1 Jɔnn 5:10

Wan biɛn ŋa Uwonbɔr a bija nan yada jɔɔ siɛra nan u sufu ni. Wan kaa ŋa Uwonbɔr yada ta U ki labir tibɔkardaan na, nan bu-n waa ŋa yada Uwonbɔr a siɛra kan wee U jin U bija-n bu.

Tibɔkpiirkaan 3:9

N li ŋa ban be Sintani a jiɛndiigin, wee ki ke bi ye Juu yaab amaa wee kaa sin ye Juu yaabin, ki ye bilinlaribin, n li che bin dan ki nan gbaan ni taatum ki tiɛr ke n jiɛ ni.