Jɔnn 8:44 - UWONBƆR A GBƆNPƆŊ LIKƆƆNL

⁴⁴ Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Uwumbɔr aagbaŋ

⁴⁴ Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Jɔnn 8:44 ပူးပေါင်းရင်းမြစ်များ

Matiu 12:34

Nim iwaalab a buwaab nan, naah ye tininfobir man nan, ni yin ŋa nii wee tibɔŋann nfir nya ni mɔnn naa? Nan bu-n nan wee uninfo tiɛr u sufu ni, ni ma nya u mɔnn.

Matiu 13:15

Nan bu-n bininfobin a lam deg le, bi tuli kaa gbiri. Le bi dabin bi numbili. Naa ye man ke, bi bi li kan nin bi num ki gbir nin bi tuli ki ji biɛ nin bi sufu ni. Ki kpenn bi binbem wee n teb bi.’

Matiu 13:38

Dulinya nan mu le ye bukpaabin, idibool ŋan nin le ye Uwonbɔr a naamin a ninfob; le tinaniin nin mu le ye kininbɔŋ a ninfob;

Jɔnn 6:70

Le Yisa jiin ke, “Maa nan gann ni Piig nin bilee lee? Nin ni ma biɛn nin, ni ni uba ye ulinlaril le!”

Jɔnn 7:17

Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Jɔnn 8:38

N bei ni maah nan kan man le Baa-n a nintogil, le nim ŋaan naah gbir nan ni baa ban.”

Jɔnn 8:41

Ni ŋaan nan wee ni tɔɔl a baa ŋaan le.” Le bi yii u mɔboi nmɔn ki ke, “Taa ye njagɔɔrbumi, taah jɔɔ Baa wan nin ye Uwonbɔr baantɔɔl le.”

Jɔnn 8:55

Hali naah kaa le nyi win, min nyi u. Ni ye n ke maa nyi u ke, n li ŋa tibɔkardaan ke nimin, amaa n nyi u le ki ŋmag u mɔleen.

Lituln 13:10

“A ye ulinlar a big le, ki ye nan ŋan biɛn a dataag! A gbee nin kularug le iyoo biɛn nin nbiin. A li jiɛn ki laa labir Uyudaan a bamɔn yin ki ŋa ti tibɔkaraa?

Lituln 24:9

Le Juu yaab nmɔn kpiɛ u bu ki ke waah pag man nmɔn sin ye ibamɔn le.

Lituln 5:3

Le Piita baan u ke, “Ananiɛsi, ba ŋa wee a che Sintani kɔɔ a sufu ni, wee a por tibɔkar ki sei Kasi a Naaŋ ki nyan ilig yan wee a kɔɔr a paamin ki woon naa?

2 Korenti 11:3

Amaa nlam yugir nim bu, nan bu-n n nyi bininfob kaah li dan ki nan lar ni ki ŋmarin ni potiɛri, ki ke ni laa ji nɔɔ Yisa nbamɔmi, a li ke uwaa kaah nan lar Iif man nin.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.

2 Piita 2:4

Ni ma bu Uwonbɔr kaa nan jiɛn malakam ban nan tun tibirin nni, amaa le ki nan ta bi jaa nŋmi-n, nan yaan wee ntuton be-n wee bi nan kan tibɔr a jim.

1 Jɔnn 1:8

Ni ye ti ke taa jɔɔ tibir ke, ti lar ti ba le, le ibamɔn kaa be ti ban ni.

1 Jɔnn 2:21

Naa ye naah kaa nyi ibamɔn nin bu le n sɔb kugbɔŋ nan ki tenn ni, amaa naah nyi ibamɔn nin nbu, nan bu-n tibɔkar kaa nya ibamɔn nin ni.

1 Jɔnn 2:4

Wan len ke, “N nyi u,” amaa wee kaa tun Uwonbɔr kaah siin man nin ke, udaan por tibɔkar le, le ibamɔn nin kaa be u ban ni.

1 Jɔnn 3:12

Ni laa be ke Keenn ni, wan nan ye ulinlaril a ninfou wee ki nan ku u waalin nni. Babu wee u nan ku u waalaa? Nan bu-n u toon yin nan ye tibir le, le u waal mu a toon nan ye tibuchinn.

1 Jɔnn 3:15

Wan nan u nabig ke u ye uninfokur le, le ni nyi uninfokur kaa jɔɔ limiɛfol lan kaa jɔɔ ndiɛmin ni.

Juud 1:6

Le malakam ban kaa nan ŋmag bi ninkper a pɔɔm a sisibol amaa wee ki fɔɔr bi baantɔɔl a niin yin nin, Uwonbɔr ta ni niɛ le ŋa libunbɔnlin, ki lol bi tikulor tan kaa jɔɔ chiim ki guu tibɔr a jim lidaal takpenlin daal.

Tibɔkpiirkaan 12:9

Le bi nyan kutunwiɛŋ takpeŋ nmɔn gab, u pii ye uwaa wan nan be le yaayoo-n, wee bi yi u ke ulinlaril bee Sintani, wan liir dulinya yaab a sam ki che bi borin, le bi nyan uma nin u malakam ki gabin dulinya nan yaan.

Tibɔkpiirkaan 13:14

Chinchinn a wanbiigin kaah sei u npɔɔn man wee u si u taalin ki fir ŋa siɛra a toon yin, ni bu che u fir lar dulinya yaaba. Le ki bei bi ke bin maa litingbanl nin jilima lan nann chinchinn a wanbiigin kan nan kan takoobi a daŋ amaa wee kaa kpe-n.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.

Tibɔkpiirkaan 9:11

Bi nan jɔɔ wan ye ubɔr le u ye libogil nmɔn yaan a malaka, ki ye ubiir.