Jɔnn 8:43 - UWONBƆR A GBƆNPƆŊ LIKƆƆNL

⁴³ Ni ŋa wee naa biɛr n mɔboi yaa? Nan bu-n naa gbir maah len man ni.

Uwumbɔr aagbaŋ

⁴³ Ba ŋa naa bee maah len pu na aatataa? Ni ye ke naa gee ke ni ŋun maaliin la.

Jɔnn 8:43 ပူးပေါင်းရင်းမြစ်များ

Matiu 13:15

Nan bu-n bininfobin a lam deg le, bi tuli kaa gbiri. Le bi dabin bi numbili. Naa ye man ke, bi bi li kan nin bi num ki gbir nin bi tuli ki ji biɛ nin bi sufu ni. Ki kpenn bi binbem wee n teb bi.’

Jɔnn 5:25

N bei ni ibamɔn le, n-yonn chaan le n-yonn nmɔn pii foon na le ban kpo li gbir Bija-n a kukɔl le ban gbir waah len man nin li kan limiɛfol.

Jɔnn 5:43

N ta n Baa a yinl le ki dan, le naa gaami; amaa ni ye ke uba ma ta u tɔɔl a yinl ki dan ke, ni li gaa u.

Jɔnn 6:60

U bɔɔnɔɔbin kaah nan gbir man nin, le bi takpem len ke, “Nwɔɔnim nmɔn pɔɔ hali, ŋma li fir gaa maa?”

Jɔnn 7:17

Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Jɔnn 8:27

Baa nan biɛ ke u nan bei bi u Baa a bɔr le.

Jɔnn 8:33

Le bi jiin u ke, “Ti ye Abiraham a yaabili le, ti mu kaa nyi ŋa uba a yomu wi. Ba ŋa a len ke ti li kan feegabaa?”

Jɔnn 8:39

Le bi len ke, “Abiraham le ye ti baa.” Le Yisa len ke, “Ni bi ye Abiraham a buwaab ke, ni bi li ŋa Abiraham kaah nan ŋaan man ni.

Lituln 7:51

“Tɔ, le Sitifin ji nan len ke, “Ni tuli pɔɔ pam, naa nɔɔ Uwonbɔr a sam nin ni sufu, kaa pelig u bɔri! Iyoo biɛn ni yiin Uwonbɔr a Kasi a Naaŋin le, ke ni yaajam kaah nan yii u man ni!

Rom Yaab 3:11

Uba kaa be ki biɛ ni taai yi, uba kaa be ki ban Uwonbɔr a boli.