Jɔnn 7:33 - UWONBƆR A GBƆNPƆŊ LIKƆƆNL

³³ Le Yisa len ke, “N yin be ni ban n-yonn man kaa fɔg le, ki nin jo wan nan tunimin ban.

Uwumbɔr aagbaŋ

³³ U nan bui kinipaak ngbaan, “M ga li bi ni chee ni yunn siib, le ki nin gir buen u tun ni mi na chee.

Jɔnn 7:33 ပူးပေါင်းရင်းမြစ်များ

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Jɔnn 13:1

Ni nan yin wonn kutaag Yuglagir a Chiigin le. Le Yisa nan nyi ke iyoo foo nin u nya dulinya nan yaan ki jo Baa-n ban. Waah pii nan jiɛ u yaab ban be dulinya nan yaan nin, le u nin nan ta u jiɛm man gbee-n kaah kpaa man ki wɔɔn bi.

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 13:33

“N buwaab, maa yin be ni ban nin yuuri. Ni na li bam, n yin bei ni le daandaan nan, ke maah nan bei Juu yaab man nin: Nan yaan wee n chaa-n, naa li fir dan niin ni.

Jɔnn 14:12

N bei ni ibamɔn le, wan biɛn ŋaam yada ke u li tun maah tun man nin. U li tun tiwann tan jon man, nan bu-n n chaa Baa-n ban le.

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 14:28

“Ni gbir maah ke, ‘N yin fɔɔr le ki ji jirin ni ban.’ Ni ye ke a jiɛm ke, a li jɔɔ nmɔn na, maah chaa Baa-n ban nin, nan bu-n Baa-n li yab ki jom.

Jɔnn 16:10

le ki jiin nbuchin binbem paam bi galin na, nan bu-n n chaa Baa-n ban le, nan yaan wee naa ji li kami;

Jɔnn 16:28

N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”

Jɔnn 16:5

“Daandaan nan n chaa wan nan tumin ban le, amaa ni ni uba kaa baam ke, ‘A chaa laa?’

Jɔnn 17:11

Maa ji yin be dulinya nan yaan ni, amaa bi ma la be dulinya nan yaan, min chaan A ban le. Baa wan be kasi, guur bi A yinlin a pɔɔm bu, liyinl lan wee A ta sei min bu, naah li ŋa man wee bin ŋa nba ke taah ye nba man nin.

Jɔnn 17:13

“N chaan A ban le daandaan nan, amaa n pag ni niɛ nan n-yonn man wee n la be dulinya nan yaan ni le, naah li ŋa man wee bin gbee nin n mɔmin bi sufu ni.

Jɔnn 20:17

Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Jɔnn 9:4

Naah le la ye nweehn nan, ni ye ti tun wan nan tumin a toon le. Kunyiɛg chaan, le uba kaa li fir tun ni.