Jɔnn 7:17 - UWONBƆR A GBƆNPƆŊ LIKƆƆNL

¹⁷ Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Uwumbɔr aagbaŋ

¹⁷ Unii ubaa yaa ban ke u ŋa Uwumbɔr aageehn kan, u ga bee ke maah mɔk binib pu na, ni ye Uwumbɔr aamɔkm la, naa ye min mbaa aamɔkm.

Jɔnn 7:17 ပူးပေါင်းရင်းမြစ်များ

Matiu 6:22

“Linunbil le ye tigbanann a fila. Ni ye a numbili ŋan ke, a gbanann biɛn yin ye nwonween le.

Tibɔnyaan ti Luk ŋmee ti na 8:15

Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Jɔnn 3:21

Amaa wan biɛn be nin ibamɔn nin ke u chaan nwonween nin le, wee bin kan npaan nin ke waah ŋa man nin u ŋa Uwonbɔr a pɔɔm bu le.

Jɔnn 8:43

Ni ŋa wee naa biɛr n mɔboi yaa? Nan bu-n naa gbir maah len man ni.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Jɔnn 8:47

Wan ye Uwonbɔr yaau gbir Uwonbɔr kaah len man le. Nan bu wee naa gbirin ye le ke naa ye Uwonbɔr yaabi.

Lituln 17:11

Beriya a tiŋ a ninfob pel Pɔɔl a bɔrin ki jon Tesalonika yaaba, le ki gaa tibɔrin nin njiɛm takpem ki dibir imɔleen nmɔn lidaal biɛn ki lig njee Pɔɔl kaah pag nan nmɔn sin ye ibamɔn naa.