Jɔnn 6:63 - UWONBƆR A GBƆNPƆŊ LIKƆƆNL

⁶³ Kinaaŋin le tenn limiɛfol; tigbanann ma be yɔli le. Imɔbon yan wee n pag tenn ni nan ye kinaaŋ le, ki ji ye limiɛfol.

Uwumbɔr aagbaŋ

⁶³ Uwumbɔr Aafuur Nyaan le tii binib limɔfal. Tiwon aa kpa tinyoor tibaa. Tibɔr ti m len ni chee na le tii nimi Nfuur Nyaan ni limɔfal.

Jɔnn 6:63 ပူးပေါင်းရင်းမြစ်များ

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Lituln 5:20

Le ki bei bi ke, “Ni li chaa iwonjiɛn niin nan yaan, ki tan sir, ki bei bininfobin limiɛfol pɔnl nan a bɔr biɛn na.”

Rom Yaab 10:17

Ni ma bu yada a ŋaam nya baah gbir imɔleen nin yaan le, imɔleen nin mu a gbirim nya Masiya a bɔrin a mɔɔnimin le.

Rom Yaab 2:25

Lipunjiil jɔɔ bu ni ye ni ŋmag nsiimin ke, amaa ni ye ni bii nsiimin ke, ni yin be le ke ban kaa jii-n.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

Galantiya 5:25

Taah be kinaaŋin bu-n, ni che ti nɔɔ kinaaŋ nmɔn a tabogi.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Galantiya 6:15

Uninfo wan jii nin wan kaa jii kaa ye niba; nan kpaa talar le ye kuwonaaŋ pɔŋin.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Timoti 4:8

Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

Hiibru Yaab 4:12

Uwonbɔr a mɔbonl fo le ki tun itoon. Ki ka ki jon ijumɔɔŋ ilee, ki fin jiil uninfosaal ki piir u naaŋ nin u miɛfol, ki kɔɔ for u tugiri nin u kpabi a nsugirim, tibɔr nmɔn le ji feen ki biɛr usaal a sufu a binbem, nin u potiɛl kaah be man.

Jemisi 1:18

U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.