Jɔnn 6:57 - UWONBƆR A GBƆNPƆŊ LIKƆƆNL

⁵⁷ Ke Baa wan fo-n kaah nan tum wee n be ki jɔɔ limiɛfol Baa-n bu-n, man mu le wan ŋman n gbanann li jɔɔ limiɛfol n bu.

Uwumbɔr aagbaŋ

⁵⁷ Nte Uwumbɔr u ye limɔfal daan ki tun ni mi na, u pu le m kpa limɔfal. Unii umɔk ji mi na, m pu le u mu ga li kpa limɔfal.

Jɔnn 6:57 ပူးပေါင်းရင်းမြစ်များ

Matiu 16:16

Le Simɔnn Piita bei u ke, “Fin le ye Masiya, Uwonbɔr wan fo nan a bija.”

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Jɔnn 3:17

Uwonbɔr kaa nan tunn u bija dulinya nan yaan ke un nan bii dulinya le, amaa u bu le dulinya yaab li kan feegab.

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 6:29

Le Yisa jiin ke, “Uwonbɔr a toonl ye nan le: Ŋaam wan wee u nan tun nin yada.”

Jɔnn 6:38

Nan bu-n maa nan nyan paab jiirin ke n nan tun n wiib kaah ban man le amaa ke n nan tun Uwonbɔr wan nan tunimin a wiib kaah ban man.

1 Korenti 15:22

Adam bu le bininfob biɛn kpeg, Masiya mu bu bininfob biɛn li kan limiɛfol.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

2 Korenti 13:4

Nin ni bamɔn, bi nan kpaa u lidapunpunl bu u daburigi ni, ni biɛn yɔli u jɔɔ limiɛfol Uwonbɔr a pɔɔm bu. Man nmɔn bu le ti mu jɔɔ u daburigi nmɔn, ni biɛn yɔli Uwonbɔr a pɔɔm bu ti mu li jɔɔ limiɛfol nin Yisa ki tun ki tenn ni.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

1 Tesalonika 1:9

bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

1 Jɔnn 4:9

Uwonbɔr kaah wɔɔn ti waah jiɛ ti man sɔ: U nan tunn U bija gaŋin dulinya nan yaan ke nin che ti kan limiɛfol kibig nmɔn bu.