Jɔnn 6:39 - UWONBƆR A GBƆNPƆŊ LIKƆƆNL

³⁹ Le Uwonbɔr wan nan tunimin a wiib kaah ban man sɔ, ke n laa lann nan biɛn wee u ta seimin ni, amaa ke lidajoorikaalin ke n don bi paab.

Uwumbɔr aagbaŋ

³⁹ Uwumbɔr aah tii mi binib bimɔk na, u ban ke m taa cha bi ponn ni ubaa wɔŋ. U ban ke m fikr bi mɔmɔk nkun ni, kookoo aataadaal. Waageehn le na.

Jɔnn 6:39 ပူးပေါင်းရင်းမြစ်များ

Matiu 10:15

N bei ni ibamɔn le, lidaal lan wee Uwonbɔr nan yin ji bininfob tibɔrin, kitiŋ nmɔn yaab a tudaril na li jo Sodom nin Gomoriya yaab yaal.

Matiu 18:14

Man mu le ni Baa Uwonbɔr wan be paab nan kaa ban u buwaab nan a ni uba n bori.

Tibɔnyaan ti Luk ŋmee ti na 12:32

“N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Jɔnn 12:48

Wan yii min kaa ŋaan maah len man nin ke u daan a bɔjiru be; nan li ku u idajoorikaa ye n mɔleen yan n pagin le.

Jɔnn 17:12

Maah la nan be bi ban nin, n nan guu bi le ki ŋmag bi A yinl lan wee A nan ta seim nmɔn a pɔɔm bu. Bi ni uba kaa bori see gab yɔli a ninfo win naah li ŋa man wee nin gbeen naah sɔb man Uwonbɔr a gbɔŋin nin.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 17:6

“N kpiiriŋ ki wɔɔn bininfob ban wee A nan ta seim dulinya nan yaan nin na. Bi nan ye A yaab le; Fin le ta bi seim le bi chee A mɔleen.

Jɔnn 17:9

N miɛ le ki tenn bi. Maa miɛ tenn dulinya, amaa ban wee A ta bi seimin, nan bu-n bi ye A yaab le.

Jɔnn 18:9

Ni niɛ nan ŋa ke nin che imɔbon yan wee u nan pagin gbeen le: “Ban wee a nan ta seimin bi ni uba kaa bori.”

Jɔnn 5:28

“Ni laa che nin ŋa ni ligarili, ke n-yonn chaan le ban biɛn be bi kaarin li gbir u kukɔl

Jɔnn 6:37

Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 6:44

Uba kaa li fir dan n ban wee naa ye Baa wan tunimin li ta u dan nin, le lidajoorikaalin ke n li don u paab.

Jɔnn 6:54

Wan biɛn ŋman n gbanann wee ki ji nyun n cham ke u jɔɔ limiɛfol lan kaa jɔɔ diɛmi, le lidajoorikaal ke n li don u paab.

Rom Yaab 8:11

Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

1 Korenti 6:14

Uwonbɔr a pɔɔm bu le fiin Uyudaan nkumin, U na li fiin ti mu nkumin.

2 Timoti 2:19

Nin ni ma biɛn yɔli, Uwonbɔr kaah pii bil lifiɛl lan nin sir nbamɔma, le u daagim a sɔbim paa li bu: “Uyudaan nyi ban ye u yaab,” le “Wan biɛn mu ban un nɔɔ Uyudaan ke, un kpenn u binbema ki nya titoonbir a tumin na.”

Jemisi 5:15

Bi miɛ nin yada ke, ubaar nmɔn li pɔɔg, Uyudaan li fiin u paab. Ni ye u ŋa tibir le ke, u li kan jiɛn per.

1 Piita 1:5

ban wee Uwonbɔr a pɔɔm guu ni-n, ni yada bu-n, hali nin feegab a nyɔɔr kaah na li foon, tan ŋa sili ki na li kpiir iyoo yan na yin joorin.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin: