Jɔnn 6:37 - UWONBƆR A GBƆNPƆŊ LIKƆƆNL

³⁷ Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Uwumbɔr aagbaŋ

³⁷ Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Jɔnn 6:37 ပူးပေါင်းရင်းမြစ်များ

Matiu 11:28

“Ni dan n ban ni, nim ban biɛn tu itug yan kpiɛg ki bag nan, wee n sei ni lifooril.

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Jɔnn 17:11

Maa ji yin be dulinya nan yaan ni, amaa bi ma la be dulinya nan yaan, min chaan A ban le. Baa wan be kasi, guur bi A yinlin a pɔɔm bu, liyinl lan wee A ta sei min bu, naah li ŋa man wee bin ŋa nba ke taah ye nba man nin.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 17:6

“N kpiiriŋ ki wɔɔn bininfob ban wee A nan ta seim dulinya nan yaan nin na. Bi nan ye A yaab le; Fin le ta bi seim le bi chee A mɔleen.

Jɔnn 6:39

Le Uwonbɔr wan nan tunimin a wiib kaah ban man sɔ, ke n laa lann nan biɛn wee u ta seimin ni, amaa ke lidajoorikaalin ke n don bi paab.

Jɔnn 6:65

Le u ji len ke, “Mambu le n nan bei ni ke uba kaa li fir dan n ban ni, man ke Baa-n li sei u nsan.”

Jɔnn 9:34

Le bi jiin u ke, “Fin wan bi nan ma nin tibir nan, a mu ye ŋmiɛ ki li wɔɔn taa!” Le bi ŋɔɔr u kuwonjiɛndiig nmɔn yaan.

Rom Yaab 5:20

Nsiimin nan kpiɛ le ki che titoonbir pɔr. Amaa le titoonbir kaah pɔr man nmɔn linyunyunbasanlin pɔr jon man na,

Filipi 1:29

Uwonbɔr pii sei ni nsan ke ni li tun tenn Masiya wee ni laa pa ye naah ŋa u yada n yaa binba, amaa ke ni ji fala mu u bu.

1 Timoti 1:16

Amaa ni niɛ bu le Uwonbɔr nan sam kunyunyunbaag, ke min wan ye chinchinn a birdaau win, wee Masiya n fir wɔɔn u mɔril lan kaa jɔɔ tarig wee ni li ye limagil ki sei ban li ŋa Yisa yada ki kan limiɛfol lan kaa jɔɔ ndiɛmi.

2 Timoti 2:19

Nin ni ma biɛn yɔli, Uwonbɔr kaah pii bil lifiɛl lan nin sir nbamɔma, le u daagim a sɔbim paa li bu: “Uyudaan nyi ban ye u yaab,” le “Wan biɛn mu ban un nɔɔ Uyudaan ke, un kpenn u binbema ki nya titoonbir a tumin na.”

Hiibru Yaab 4:15

Taa jɔɔ biminmanib a yudaau wan kaa li fir jogir ti, ti daburigin ni, amaa ti jɔɔ wan nan kan nbiginim niwann biɛn nin, a li ke taah be man nin, amaa waa nan jɔɔ tibiri.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

Tibɔkpiirkaan 22:17

Le Kinaaŋ nin ki bɔɔnh nin len ke, “Dan!” Wee ki che wan gbir nlen ke, “Dan!” Nnyunyum jɔɔ wan ke, ni che un dan; le wan ban ke ni che un gaam limiɛfol a nyum sei kaam man ye yɔli.