Jɔnn 6:14 - UWONBƆR A GBƆNPƆŊ LIKƆƆNL

¹⁴ Bininfobin kaah nan kan ligaril a siɛra yan wee Yisa nan tun nin a bɔɔn, le bi nin piin ki len ke, “Ibamɔn, ulinlenn wan yin dan dulinya nan yaan nin sɔ.”

Uwumbɔr aagbaŋ

¹⁴ Binib ngbaan aah kan Yesu aah tun lijinjiir aatuln ngbaan pu na, le bi bui ke, “Uja wee sil ye Uwumbɔr aabɔnabr u bi nan len ke u ga dan dulnyaa wee ni na la.”

Jɔnn 6:14 ပူးပေါင်းရင်းမြစ်များ

Matiu 11:3

ke bin tan baan u ke, “Fin le ye wan yin dan ni bee, ti li guu u baa?”

Matiu 21:11

Le kuninfogbaluŋin jiin ke “Yisa wan ye ulinlenn ki nyan Nazarif kan be Galilii a tingbɔŋin ni.”

Tibɔnyaan ti Luk ŋmee ti na 24:19

Le u baan ke, “Wan ba ŋaa?” Le bi jiin ke, “Yisa wan nyan Nazarif nan a bɔr, U nan ye ulinlenn le, ke u mɔboi nin u toon jɔɔ npɔɔn Uwonbɔr a nintogil nin bininfob biɛn ban.

Tibɔnyaan ti Luk ŋmee ti na 7:16

Le bijawaam nan choo ban biɛn nan be niin nmɔn, le bi don Uwonbɔr a yinl. Ki len ke, “Ulinlenn takpen le kpiirin ti sisiigin. Uwonbɔr le dan ke u nan ter u ninfob.”

Jɔnn 1:21

Le bi baan u ke, “Ke a ni ye ŋmiɛ? A ye Elaja lee?” Le u ke, “Maa ye wi.” “A ye ulinlenn nin lee?” Le u jiin ke, “Aai.”

Jɔnn 11:27

Le u bei u ke, “Nn, Uyudaan, n nyi ke a ye Masiya-n le, Uwonbɔr a Bija-n, wan nan ye un dan dulinya nan yaan nin.”

Jɔnn 2:11

Ni ma nan ye u chinchinn a garil a siɛra, lan wee Yisa nan ŋa Kena a tiŋ kan be Galilii a poolin. U nin nan kpiir ki wɔɔn u pag a toon kaah ye man, le u bɔɔnɔɔbin nan ŋa u yada.

Jɔnn 4:19

Le upii-n ke, “Uninkpel, n kan ke a ye ulinlenn le.

Jɔnn 4:25

Le upii-n ke, “N nyi ke Masiya nmɔn chaan. U nan dan ke, u li mann pag ni biɛn ki wɔɔn ti.”

Jɔnn 4:42

Le bi bei upii-n ke, “Naa ye ŋaah len man nin a binba bu le ti ŋa yada; daandaan nan ti baantɔɔl gbira, le ki nyi ke uja nan sin ye dulinya nan a Feeru le.”

Jɔnn 6:2

le kuninfobabug nan nɔɔ u, nan bu-n bi nan kan ligaril a siɛram yan wee u nan tun ki sei bibaaribin le.

Jɔnn 6:26

Le Yisa jiin ke, “N bei ni ibamɔn le, ni chonn bam le, naa ye naah kan ligaril a siɛra bu, amaa naah ŋman boroboro le ki gbee-n bu.

Jɔnn 6:30

Mambu le bi baan u ke, “Baa a garil a siɛra wee a yin ŋa sei ti wee ti kan ki ŋaaŋ yadaa?

Jɔnn 7:40

Baah nan gbir u mɔleen yin, le bininfobin biba ke, “Ibamɔn uja nan sin ye ulinlenn nin le.”

Lituln 7:37

U yaa Moziz le ji nan bei Iziral yaab ke, ‘Uwonbɔr na li tun ulinlenn uba ni ban ke waah tunim man nin, u yin nya ni tɔɔl a ninfobin le.’