Jɔnn 5:44 - UWONBƆR A GBƆNPƆŊ LIKƆƆNL

⁴⁴ Ni ye ke ni ban tab a pagim ke, ni yin ŋa niin ki ŋa yadaa, wee kaa sin pɔɔg ni ba ke ni kan kupag kan nyan Uwonbɔr uba-n ban naa?

Uwumbɔr aagbaŋ

⁴⁴ Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Jɔnn 5:44 ပူးပေါင်းရင်းမြစ်များ

Matiu 23:5

“Bi tun man biɛn ki ban bininfob le nkan: Lig baah ta Uwonbɔr a siim ki sɔb tabin bi yutun bu, ki ŋa bi daalam a mɔgbai fɔg ki ban bininfobin kan;

Tibɔnyaan ti Luk ŋmee ti na 19:17

“Le u ninkpelu nmɔn jiin ke, ‘A ŋa choba, n toontunn ŋau! Ŋaah fir ki ŋmag niwann wama nbamɔm nan bu, gaam ntim piig a ninkper.’

Jɔnn 12:43

nan bu-n bi nan jiɛ bininfob a dom le ki jon Uwonbɔr a dom.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 3:20

Wan biɛn tun tibir a toon ke u nan nwonween le, le kaa yin dan nwonween nin ni ki san ke u bir li nya npaan nin bu.

Jɔnn 5:41

“Maa ban kupag bininfob ban ni,

Jɔnn 8:43

Ni ŋa wee naa biɛr n mɔboi yaa? Nan bu-n naa gbir maah len man ni.

Rom Yaab 2:10

amaa kupag nin jilima nin nposɔɔn le Uwonbɔr yin ta sei ban tun nan ŋan nin: Chinchinn ni na yin foon Juu yaab ban le wee ki nin foo ban kaa ye Juu yaabin ban.

Rom Yaab 2:29

Aai wan ye Juu a ninfou ke u ye Juu a ninfou u sufu ni le, le lipunjiil bamɔnl mu be sufu ni le, ki ye kinaaŋin, naa ye nan sɔb dɔ kugbɔŋin nin a binba, u yaa daan gaa u pag Uwonbɔr ban le naa ye uninfo ban ni.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

2 Korenti 10:18

Naa ye uninfo wan pagir uba le bi num gbee, amaa see wan wee Uyudaan a num gbeen.

Filipi 2:3

Ni laa jɔɔ npooton a bam bee ki far igbingban ni, amaa ni li jɔɔ jiininba ki li tenn ni kpiɛtiib jilima ki jo ni ba.

1 Tesalonika 2:6

Taa nan ban bininfob n pag ti, bee ni ni uba n pag ti bee uninfo uba n pag ti. Taah ye Yisa a toon yin ti bi yin ye litugil le ki sei ni,

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

Hiibru Yaab 3:12

N nabum, ni li nyi wee ni ni uba laa jɔɔ sufu birug kan li che un fɔɔr ki jiɛn Uwonbɔr wan ye limiɛfol daan nin ban ni.

Jemisi 2:1

N nabum naah ŋa ti yudaau Yisa Masiya wan ye kupag daan nin yada man ni, ni laa gann tabi.

1 Piita 1:7

I niɛ nan dan le, ke ni yada kan ŋan jon salima kan burin, hali nŋmi kaah le mann salima kan li fir bii-n gbaa, yada nmɔn li wɔɔn ke ni ye ibamɔn le, ki ta kupag nin jilima dan ni joorimin, ni ye Yisa Masiya nan kpiirin ke.

Juud 1:25

Ti sei Uwonbɔr wan be U binba wan ye ti feeru ki jɔɔ kupag, nin jilima, nin npɔɔn, nin tininkper a pɔɔm, ti Yudaau Yisa Masiya a yinlin, iyoo yan nan jon nin, nin daandaan nan nin iyoo yan kaa jɔɔ diɛm! Ibamɔn.