Jɔnn 5:42 - UWONBƆR A GBƆNPƆŊ LIKƆƆNL

⁴² amaa n nyi naah ye lininfobol lan. N nyi ke naa jiɛ Uwonbɔr ni sufu ni.

Uwumbɔr aagbaŋ

⁴² M nyi nimi ke naa gee Uwumbɔr.

Jɔnn 5:42 ပူးပေါင်းရင်းမြစ်များ

Tibɔnyaan ti Luk ŋmee ti na 16:15

Le u bei bi ke, “Nim ban wɔɔnn ni ba ke ni ye bibuchim bininfob ban nan, amaa Uwonbɔr nyi ni sufu ni. Nan wee uninfosaal tiɛr u sufu ni ke ni ye niwann ŋann tan kagin, amaa Uwonbɔr ban ni ye yɔli le.

Jɔnn 2:25

Waa nan ban bininfob nji uninfosaal tab a siɛra, nan bu-n u nan nyi nan be uninfosaal ni.

Jɔnn 21:17

Nan nan kpiɛ nfimitaa-n le u bei u ke, “Simɔnn Jɔnn a bija, a jiɛm maa?” Piita a sufu nan bii le nan bu-n Yisa kaah nan baan u ki tan kpaa nfimitaa ke, “A jiɛ maa?” Le u ke, “Uyudaan, a nyi niwann biɛn; a nyi ke n jiɛŋ.” Le Yisa ke, “Li jinn n peei nan na.

Jɔnn 5:41

“Maa ban kupag bininfob ban ni,

Jɔnn 5:43

N ta n Baa a yinl le ki dan, le naa gaami; amaa ni ye ke uba ma ta u tɔɔl a yinl ki dan ke, ni li gaa u.

Jɔnn 5:44

Ni ye ke ni ban tab a pagim ke, ni yin ŋa niin ki ŋa yadaa, wee kaa sin pɔɔg ni ba ke ni kan kupag kan nyan Uwonbɔr uba-n ban naa?

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

Jɔnn 8:47

Wan ye Uwonbɔr yaau gbir Uwonbɔr kaah len man le. Nan bu wee naa gbirin ye le ke naa ye Uwonbɔr yaabi.

Jɔnn 8:55

Hali naah kaa le nyi win, min nyi u. Ni ye n ke maa nyi u ke, n li ŋa tibɔkardaan ke nimin, amaa n nyi u le ki ŋmag u mɔleen.

Rom Yaab 8:7

wan ta u potiɛl ki ŋa tigbanann a bamin ke, u ye Uwonbɔr a dataag le, nan bu-n waa nɔɔ Uwonbɔr a siimin ni, hali kaa sin li fir nɔɔ mi.

1 Jɔnn 2:15

Ni laa jiɛ dulinya bee nan ye dulinya nan a wann ni. Ni ye uba jiɛ dulinya ke, ti Baa a jiɛmin kaa be udaan ban ni.

1 Jɔnn 3:17

Ni ye uba jɔɔ dulinya nan a faal wee ki kan u nabig wan ban literil, amaa wee kaa jogir u ke, Uwonbɔr a jiɛm yin ŋa nii ki be udaan ban naa?

1 Jɔnn 4:20

Ni ye uba len ke, “N jiɛ Uwonbɔr,” amaa wee ki nan u nabig ke, udaan ye tibɔkardaan le. Nan bu-n wan kaa jiɛ u nabig kan wee u ga win ke, waa li fir jiɛ Uwonbɔr wan wee waa ga win ni.

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.