Jɔnn 5:34 - UWONBƆR A GBƆNPƆŊ LIKƆƆNL

³⁴ Naa ye ke n gaan uninfosaal a siɛra le; amaa n pag Jɔnn a siɛra le wee ni kan feegab.

Uwumbɔr aagbaŋ

³⁴ Naa ye ke m ban unibɔn aaseeraa la. M ban ke ni ŋmar, nima le cha m teer nimi Jɔnn aah len pu na.

Jɔnn 5:34 ပူးပေါင်းရင်းမြစ်များ

Tibɔnyaan ti Luk ŋmee ti na 13:34

“Jerusalam, Jerusalam, nim ban ku Uwonbɔr a linlem, ki yɔgir ban wee u tun ni ban ni itangbag ki ku bi. Iyoo biɛn le n gbaar le ke n lagin ni nba, ke ukool kaah lagin u koobum ki ŋa u jiɛgin man ni, le naa ban man ni.

Tibɔnyaan ti Luk ŋmee ti na 19:10

Nan bu-n Uninfosaal a Big dan ke u nan ban kan ban borin le, ki fee bi ki jaa.”

Tibɔnyaan ti Luk ŋmee ti na 24:47

le nbinben a kpenim nin tibir a jiɛn per li mɔɔn u yinl bu ki piin Jerusalam ki sei ibol biɛn.

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 5:32

Uba li be kpiɛ le ki ji siɛra maah ban man, le n nyi ke u siɛra jil ki jiin n paam ye ibamɔn le.

Jɔnn 5:41

“Maa ban kupag bininfob ban ni,

Jɔnn 8:54

Le Yisa jiin ke, “Ni ye n pag n ba ke, n pag nmɔn ye yɔli le. N Baa, wan wee ni ke u ye ni Wonbɔr win, u ma ye wan pagirim.

Rom Yaab 10:1

N nabum n potiɛl nin maah miɛ Uwonbɔr ki ban man ye le ke Iziral yaab n kan feegab.

Rom Yaab 10:21

Amaa ki jiin Iziral yaab paam, U len ke, “Iyoo biɛn N tann N nɔɔ le ke N bib ban ye tukangbirdam nin limɔyiil damin.”

Rom Yaab 12:21

Ni laa che tibir n nyaŋ ni, amaa ni ta nan ŋan ki nyaŋ tibira.

Rom Yaab 3:3

Ni ye bi ni bibam kaa si bogiliba ke, bi kaa si bogiliba nmɔn li fir bii Uwonbɔr mu wee U laa si bogilibaa?

1 Korenti 9:22

Maah nan be nin ban a yada waarin, n nan be le ke wan a yada waarin, naah li ŋa man wee bin kan nŋmarim. N che n binbem be le ke bininfob biɛn a binbem kaah be man ni, naah li ŋa man wee n fir fee bininfob bibam ki jaa.

1 Timoti 4:16

Li nyi a ba bu, ki li ŋmag a wɔɔmin nbamɔm. Li jɔɔ inunman bi bu, nan bu-n ni ye a ŋaan man ke, a li fee a ba nin ban pelig a wɔɔm nmɔn ki jaa.

1 Jɔnn 5:9

Ti cheel uninfosaal a siɛra le, amaa Uwonbɔr a siɛra le polig jon man, nan bu-n ni ye Uwonbɔr a siɛra kan wee U jin U bija-n bu le.