Jɔnn 5:30 - UWONBƆR A GBƆNPƆŊ LIKƆƆNL

³⁰ “N binba kaa li fir ŋa niba; n ji tibɔr maah gbir man le, le n bɔjil ye ibamɔn le, nan bu-n maa ŋaan n wiib kaah ban man ni, amaa n ŋaan wan nan tumin kaah ban n ŋa man le.

Uwumbɔr aagbaŋ

³⁰ “Maa ŋmaa ŋa nibaa mbaa pu. M ji binib tibɔr, Uwumbɔr aah tuk mi pu na la. Maah ji bi tibɔr pu na, ni ŋan; ba pu? maa ban maageehn, m ban Uwumbɔr u tun ni mi na aageehn la.

Jɔnn 5:30 ပူးပေါင်းရင်းမြစ်များ

Matiu 26:39

Le u fɔr ki jon bi nintogil wama, ki gbaan le u yutunl tan ma tum, le ki miɛ Uwonbɔr ke, “N Baa, ni bi li fir ke, a laa che n nyu kiyiinyɔɔg nan yaan ni. Amaa che a bam le n tun, wee ni laa ye min a bami.”

Jɔnn 14:10

Naa ŋa yada ke n be Baa-n ni le, le Baa-n be n nii? Imɔbon yan n pag sei ni kaa ye n tɔɔl a bɔri. Amaa, ti ye Baa, wan be n ni-n, le tun u toon.

Jɔnn 17:4

N ŋmagin kupag nan dulinya-n le n nan seiŋ maah diɛ litoonl lan wee A nan ta seim ke n tun nin.

Jɔnn 18:11

Le Yisa nan bei Piita ke, “Ta a takoobi-n jiin kutɔɔgin na! N laa nyu kiyiig kan wee n Baa ta seimin yaan naa?”

Jɔnn 4:34

Le Yisa len ke, “N yaa jiir ye n tun wan nan tunim kaah ban man le ki sin diɛ itoon yan wee u seim ke n tun nin.

Jɔnn 5:19

Le Yisa nan jiin ki bei bi ke, “N bei ni ibamɔn le, Bija-n kaa li fir ŋa niba u baantɔɔli, u li fir ŋa nan wee u kan u Baa-n ŋaan le, nan bu-n niwann nan biɛn wee Baa-n ŋaan nin Bija-n mu ŋaan ni ma le.

Jɔnn 6:38

Nan bu-n maa nan nyan paab jiirin ke n nan tun n wiib kaah ban man le amaa ke n nan tun Uwonbɔr wan nan tunimin a wiib kaah ban man.

Jɔnn 8:28

Mambu le Yisa nan len ke, “Ni nan yuur Usaal a Big paab ke, tɔ ni li biɛ ke min le ye wan wee n ke n ye-n, le maa ŋaan niba n baantɔɔli amaa n le pag Baa-n kaah nan wɔɔnim man le.

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

Jɔnn 8:50

Maa gbaar ban n tɔɔl a pagi, amaa uba li be ki ban ki, u ma ye ubɔjir.

Rom Yaab 15:3

Ni ma bu hali Masiya kaa nan tun nan li gbee u tɔɔl a numi, amaa a li ke naah sɔb Uwonbɔr a gbɔŋin ke: “Tisugir tan wee bi sugiriŋin lu min bu le.”

Rom Yaab 2:2

Daandaan nan ti nyi ke Uwonbɔr kaah ji ban tun man nmɔn tibɔrin ni nɔɔ ibamɔn a sam bu le.

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.