Jɔnn 5:26 - UWONBƆR A GBƆNPƆŊ LIKƆƆNL

²⁶ Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Uwumbɔr aagbaŋ

²⁶ Nte Uwumbɔr ye Umɔfadaan la, le ki ŋa min Ujapɔɔn mu Umɔfadaan,

Jɔnn 5:26 ပူးပေါင်းရင်းမြစ်များ

Jɔnn 1:4

U ni le limiɛfol nan be, limiɛfol nmɔn nan ye usaal a wonweem le.

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Jɔnn 11:25

Le Yisa bei u ke, “Min le ye nkum a fiim nin limiɛfol. Wan ŋaam yada li kan limiɛfol, hali nin waah le kpe-n biɛn na;

Jɔnn 11:26

le wan biɛn jɔɔ limiɛfol wee ki ŋaam yada kaa jɔɔ un kpo. A ŋa ni nan yada waa?”

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 4:10

Le Yisa jiin u ke, “Ni ye ke a nyi Uwonbɔr a piin nin wan miɛŋ nnyunyukaam nan ke, a bi li baan u le u bin seiŋ limiɛfol a nyum.”

Jɔnn 6:57

Ke Baa wan fo-n kaah nan tum wee n be ki jɔɔ limiɛfol Baa-n bu-n, man mu le wan ŋman n gbanann li jɔɔ limiɛfol n bu.

Jɔnn 8:51

N bei ni ibamɔn le, ni ye ke wan biɛn ŋmag maah wɔɔn man ni ke, waa li nyi kpo.”

Lituln 17:25

Uninfosaal kaa li fir ta u nɔɔ ki tun niba sei Wi, a li ke U ban niba le nni, nan bu-n U ma tɔɔl le tenn uninfosaal biɛn limiɛfol nin kufoorug nin niwann nan biɛn gur.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

1 Timoti 6:16

U yaa binba ni le limiɛfol lan kaa jɔɔ ndiɛmin be, ki be nween man yaan wee uba kaa li fir foon niin ni, uba kaa la nyi kan wi, bee ki li fir kan wi. Uma kpaan nin jilima ki ye npɔɔn takpendaan hali nin iyoo yan kaa jɔɔ diɛmi. Ibamɔn.

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Tibɔkpiirkaan 21:6

Le u beim ke: “Ni ŋau. Min le ye Wan chinn nin Wan joor, Npiinim nin Ndiɛm. Nnyunyum kaah jɔɔ ban nin, n li sei bi limiɛfol a nnyum, man ye nnyunbunkaamin yɔli.

Tibɔkpiirkaan 22:1

Iyaayoo le malaka nan wɔɔnim nkpen man ye limiɛfol a nyum, ki ween ke niɛnu a maarin, ki puu nyan Uwonbɔr nin Kipeebigin a naangbɔŋin,

Tibɔkpiirkaan 22:17

Le Kinaaŋ nin ki bɔɔnh nin len ke, “Dan!” Wee ki che wan gbir nlen ke, “Dan!” Nnyunyum jɔɔ wan ke, ni che un dan; le wan ban ke ni che un gaam limiɛfol a nyum sei kaam man ye yɔli.

Tibɔkpiirkaan 7:17

Nan bu-n Kipeebig kan ka kunaangbɔŋ bu ki be bi sisiigin nin, le yin ye bi peekpaaru; u li ta bi ki jo limiɛfol a nyunbuŋin. Le Uwonbɔr li pir bi num a nyinyinn biɛn.”