Jɔnn 5:19 - UWONBƆR A GBƆNPƆŊ LIKƆƆNL

¹⁹ Le Yisa nan jiin ki bei bi ke, “N bei ni ibamɔn le, Bija-n kaa li fir ŋa niba u baantɔɔli, u li fir ŋa nan wee u kan u Baa-n ŋaan le, nan bu-n niwann nan biɛn wee Baa-n ŋaan nin Bija-n mu ŋaan ni ma le.

Uwumbɔr aagbaŋ

¹⁹ Le Yesu bui bi, “M tuk nimi mbamɔn la, min Uwumbɔr Aajapɔɔn aa ŋmaa ŋa nibaa mbaa pu. Maah kan Nte Uwumbɔr aah ŋani pu na, le m ŋani; waah ŋani pu na, le min Ujapɔɔn mu ŋani kina;

Jɔnn 5:19 ပူးပေါင်းရင်းမြစ်များ

Matiu 26:39

Le u fɔr ki jon bi nintogil wama, ki gbaan le u yutunl tan ma tum, le ki miɛ Uwonbɔr ke, “N Baa, ni bi li fir ke, a laa che n nyu kiyiinyɔɔg nan yaan ni. Amaa che a bam le n tun, wee ni laa ye min a bami.”

Tibɔnyaan ti Luk ŋmee ti na 21:15

Nan bu-n n na li sei ni imɔbon nin nlam man wee ni dataam kaa na li fir yii bee ki niɛ.

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Jɔnn 12:49

Nan bu-n maa pag n tɔɔl a pɔɔmin, amaa Baa wan tumin le beim maah li len man nin maah li pag man.

Jɔnn 12:50

N nyi ke waah beim man nin li jɔɔ limiɛfol lan kaa jɔɔ ndiɛm chaan. Mambu n pag Baa-n kaah ke n pag man le.”

Jɔnn 14:10

Naa ŋa yada ke n be Baa-n ni le, le Baa-n be n nii? Imɔbon yan n pag sei ni kaa ye n tɔɔl a bɔri. Amaa, ti ye Baa, wan be n ni-n, le tun u toon.

Jɔnn 2:19

Le Yisa jiin bi ke, “Ni worin iwonjiɛn niin nan ke, N ji li fiin i iweehn itaa daal.”

Jɔnn 3:3

Le Yisa jiin ki bei u ke, “N beiŋ ibamɔn le, uba kaa li fir kan Uwonbɔr a naami, see ke bi ji ma u.”

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 6:38

Nan bu-n maa nan nyan paab jiirin ke n nan tun n wiib kaah ban man le amaa ke n nan tun Uwonbɔr wan nan tunimin a wiib kaah ban man.

Jɔnn 8:28

Mambu le Yisa nan len ke, “Ni nan yuur Usaal a Big paab ke, tɔ ni li biɛ ke min le ye wan wee n ke n ye-n, le maa ŋaan niba n baantɔɔli amaa n le pag Baa-n kaah nan wɔɔnim man le.

Jɔnn 9:4

Naah le la ye nweehn nan, ni ye ti tun wan nan tumin a toon le. Kunyiɛg chaan, le uba kaa li fir tun ni.

Lituln 2:24

Amaa, le Uwonbɔr fiin u nkumin ki nyan u nkum a nan wii ni, nan bu-n nkum kaa jɔɔ npɔɔn man li fir ŋmag wi.

Rom Yaab 6:4

Mambu ti nan kpo nin Yisa le bi pii ti nin u ma, Uwonbɔr a nyunfulin bu, a li ke Masiya kaah nan fii nkumin nin u Baa a pagin, man le ti mu yin be limiɛfol pɔnlin yaan.

Rom Yaab 8:11

Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

1 Korenti 15:12

Amaa ni ye tibɔrin mɔɔn ke Masiya nan fii nkumin na ke, niin wee nim bibam ke nkum a fiim kaa bee?

2 Korenti 4:14

nan bu-n ti nyi wan nan fiin Yisa nkumin, u ma na yin fiin tim ke waah nan fiin Yisa man ni, ki ta tim nin nim ki jo u baan tɔɔl ban.

2 Korenti 5:10

Nan bu-n ti biɛn na li sir Masiya a nintogil tibɔr a ji daal; uninfo biɛn na li gaa u yɔr u toon kaah nan ye man waah nan be tigbanann nan yaan ni, naah ŋan naa, naa kaa ŋan naa u yɔr le yen.

Efesusi 2:5

le U che ti jɔɔ limiɛfol nin Yisa, hali nin taah le nan kpo nin taah bii nsiimin. U nyunyunbasanl bu le ni kan feegab.

Efesusi 3:16

N miɛ Uwonbɔr le ke Un ta U jɔɔm a pagim ki pɔɔg ni gbanann nmɔn U Naaŋ kan be ni nin bu,

Filipi 3:21

Uma wan ta u pɔɔm ki lagin niwann biɛn u nintogilin, u li kpenn ti gbanann tan kaa pɔɔ-n ki ŋa ti u jilima a gbanann.

Filipi 4:13

N li fir tun niwann biɛn Masiya kaah seim ngbananpɔɔn man nin bu.

Kolosiya 1:11

Uma Uwonbɔr wan jɔɔ ipɔɔn biɛn nan n pɔɔg ni gbanann, U pag takpoŋin bu wee ni li jɔɔ pɔɔninba nin limɔril nin nmɔn,

Kolosiya 1:16

Uma bu le niwann biɛn nan naan: Nan be papaab nin tum, nan wee ti ga nin nan wee taa ga, naah ye kunaangbɔŋ bee ipɔɔn bee nnaam a pɔɔm bee tininkper a pɔɔm; uma nan naan niwann biɛn le ki ye niwann biɛn.

1 Tesalonika 4:14

Ti ŋa yada ke Yisa kpo ki fii nkumin na, ni ma bu che ti jɔɔ yada ke Uwonbɔr le ŋmagin ban nan dɔɔn jiɛn Yisa nni ki dan.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.