Jɔnn 4:34 - UWONBƆR A GBƆNPƆŊ LIKƆƆNL

³⁴ Le Yisa len ke, “N yaa jiir ye n tun wan nan tunim kaah ban man le ki sin diɛ itoon yan wee u seim ke n tun nin.

Uwumbɔr aagbaŋ

³⁴ Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Jɔnn 4:34 ပူးပေါင်းရင်းမြစ်များ

Matiu 26:39

Le u fɔr ki jon bi nintogil wama, ki gbaan le u yutunl tan ma tum, le ki miɛ Uwonbɔr ke, “N Baa, ni bi li fir ke, a laa che n nyu kiyiinyɔɔg nan yaan ni. Amaa che a bam le n tun, wee ni laa ye min a bami.”

Matiu 3:15

Le Yisa jiin ke, “Che ni ŋa man daandaan nan, ni ŋan nin ti tun man wee nin gbeen nbuchin binben biɛn.” Iyaayoo nmɔn le Jɔnn chee.

Matiu 9:19

Le Yisa nan fii nin u bɔɔnɔɔb le bi nɔɔ u jon.

Tibɔnyaan ti Luk ŋmee ti na 15:10

Ni ye man le, n bei ni le, npopeen be Uwonbɔr a malakam ban ni ye tibirdaan uba nan kpenn u binbem ke.”

Tibɔnyaan ti Luk ŋmee ti na 19:10

Nan bu-n Uninfosaal a Big dan ke u nan ban kan ban borin le, ki fee bi ki jaa.”

Tibɔnyaan ti Luk ŋmee ti na 2:49

Le u jiin ki baan bi ke, “Ba ŋa wee ni bam maa? Naa nyi ke ni ye n li be n Baa a niin lee?”

Jɔnn 17:4

N ŋmagin kupag nan dulinya-n le n nan seiŋ maah diɛ litoonl lan wee A nan ta seim ke n tun nin.

Jɔnn 19:28

Ni bɔɔn bu, Yisa kaah nan nan biɛ ke niwann biɛn diɛ, ki li gbeen naah sɔb man Uwonbɔr a gbɔŋin nin, le u len ke, “Nnyunyum le jɔɔm.”

Jɔnn 19:30

Yisa kaah nan gaa nyun nin, le ki bei ke, “Ni diɛu.” Le ki tibin u yul tum le ki kpo.

Jɔnn 4:32

Amaa le u bei bi ke, “N jɔɔ tijiir tan n yin ji ke naa nyi ti bu.”

Jɔnn 5:30

“N binba kaa li fir ŋa niba; n ji tibɔr maah gbir man le, le n bɔjil ye ibamɔn le, nan bu-n maa ŋaan n wiib kaah ban man ni, amaa n ŋaan wan nan tumin kaah ban n ŋa man le.

Jɔnn 5:36

N jɔɔ n baantɔɔl a siɛra jil ke ki kpiɛg ki jon Jɔnn kaah jin n siɛrau. Nan bu-n, litoonl lan wee Baa-n ta seim ke n tun diɛ-n, le n be tun nin, le jin siɛra ke Baa-n li nan tunim.

Jɔnn 6:33

Nan bu-n Uwonbɔr a boroboro ye min wan nyan paab ki jiirin ki nan tenn dulinya nan a ninfob limiɛfolin le.”

Jɔnn 6:38

Nan bu-n maa nan nyan paab jiirin ke n nan tun n wiib kaah ban man le amaa ke n nan tun Uwonbɔr wan nan tunimin a wiib kaah ban man.

Jɔnn 8:29

Wan nan tunimin be n ban; waa jaam n binba, nan bu-n n gbaa ŋaan nan gbee u num le.”

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.