Jɔnn 3:34 - UWONBƆR A GBƆNPƆŊ LIKƆƆNL

³⁴ Nan bu-n wan wee Uwonbɔr nan tun nin pag Uwonbɔr a mɔbonl le, nan bu-n Uwonbɔr gbeen u Kinaaŋ le.

Uwumbɔr aagbaŋ

³⁴ Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Jɔnn 3:34 ပူးပေါင်းရင်းမြစ်များ

Matiu 12:18

“N toontunnu sɔ, u ma le n gann, wan wee n jiɛ, le n pool sɔɔn u bu. N li ta n naaŋin ki ŋa u ni. Le u li mɔɔn tibɔbamɔnn ki sei ibol biɛn.

Tibɔnyaan ti Luk ŋmee ti na 4:18

“Uyudaan a Naaŋ be nim, nan bu-n U ma kpaar nkpam jaa n bu, ke n mɔɔn u bɔr ŋan nmɔn ki sei bilanjiim. U tunim ke n pag feeja a bɔr ki sei biloondiikɔɔb, wee ki ligir bijɔɔm a num, ki nyan limugildam bi mugilin,

Jɔnn 1:16

Waah gbee nin linyunyunbasanlin bu le ti biɛn gaan tikaar ki kpiɛg.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 16:7

Amaa n bei ni ibamɔn le: N fɔr ke ni yin kpiɛ nim le. Maa jon ke, Utiterin kaa yin dan ni ban ni; amaa n jon ke, n li tun u ni ban.

Jɔnn 3:17

Uwonbɔr kaa nan tunn u bija dulinya nan yaan ke un nan bii dulinya le, amaa u bu le dulinya yaab li kan feegab.

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 7:16

Le Yisa jiin ke, “N yaa wɔɔmin kaa ye n yaan ni. Mi nya uma wan nan tunimin ban le.

Jɔnn 8:40

A li ke naah ye man nin, ni gbaar le ni kum, uja wan bei ni ibamɔn yan wee n gbir Uwonbɔr ban nin. Abiraham kaa nan ŋaan man ni.

Jɔnn 8:47

Wan ye Uwonbɔr yaau gbir Uwonbɔr kaah len man le. Nan bu wee naa gbirin ye le ke naa ye Uwonbɔr yaabi.

Lituln 1:2

ki nan kpaa lidaal lan wee bi nan nan ta u don paabin, Kasi a Naaŋin kaah nan che u wɔɔn u tooi yan wee u gann nin, le Uwonbɔr nin nan ta u don paab.

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Kolosiya 1:19

Nan bu-n, Uwonbɔr nan jɔɔ linungbeel le u bu, U binbemin biɛn kaah nan gbee u ni-n.

Kolosiya 2:9

Ni ma bu Uwonbɔr a nunaŋ be Masiya a gbanann nin le waah nan ye uninfo-n,

Tibɔkpiirkaan 21:6

Le u beim ke: “Ni ŋau. Min le ye Wan chinn nin Wan joor, Npiinim nin Ndiɛm. Nnyunyum kaah jɔɔ ban nin, n li sei bi limiɛfol a nnyum, man ye nnyunbunkaamin yɔli.

Tibɔkpiirkaan 22:1

Iyaayoo le malaka nan wɔɔnim nkpen man ye limiɛfol a nyum, ki ween ke niɛnu a maarin, ki puu nyan Uwonbɔr nin Kipeebigin a naangbɔŋin,