Jɔnn 3:29 - UWONBƆR A GBƆNPƆŊ LIKƆƆNL

²⁹ Lipiichanil daan li ye upii wan wee bi chann ni. Lipiichanil daan a jɔ wan dan u ban nin si guu u le ki sin pelig, le ki nan gbir Lipiichanil daan a kukɔl ke u pool nsɔŋ. Nposɔɔn nmɔn ye n yaan le, mambu n gbee nin nposɔɔn na.

Uwumbɔr aagbaŋ

²⁹ Usapɔɔn yaa kun uchal do kan, uchal le yeh u. Le uchal aajɔ u si u chee ki ŋun waaneel na kpa mpopiin pam. Nima le cha m mu kpa mpopiin mbamɔm.

Jɔnn 3:29 ပူးပေါင်းရင်းမြစ်များ

Matiu 22:2

“Paab a naamin nann ubɔr wan nan ŋa lipiichanil a jiir ki sei u bija le.

Matiu 25:1

“N-yonn nmɔn paab a naam na yin nann bisapɔm piig ban kaa nyi uja wee ki nan ta bi filaam ke bin too lipiichanil daan nsan bu-n le.

Matiu 9:15

Le Yisa jiin ki baan bi ke, “Lipiichanil be ke, bicham le jɔɔ npoobiin, n-yonn man wee lipiichanil daan la be bi ban nan naa? Aai. N-yonn chaan, le bi na li nyan lipiichanil daan ni ban, iyaayoo le bi yin lol imɔɔŋ.

Tibɔnyaan ti Luk ŋmee ti na 15:6

ki ta u kun iniin. Le ki nin yin u jɔtiib nin u kunkɔɔn tab ki lagin tab ki bei bi ke, ‘N peeu wan nan borin, n kan wa, che ti li jɔɔ npopeen na man.’

Jɔnn 15:11

N bei ni ni nan le ke n mɔm li be ni ban wee ni mɔm ngbeen.

Jɔnn 16:24

Naah yuur ki nan kpaa daandaan nan naa la baan ni ba n yinl bu. Ni baan na wee ki gaa, wee ni mɔm nmann gbeen.

Jɔnn 17:13

“N chaan A ban le daandaan nan, amaa n pag ni niɛ nan n-yonn man wee n la be dulinya nan yaan ni le, naah li ŋa man wee bin gbee nin n mɔmin bi sufu ni.

Jɔnn 3:30

Ni kpaa le ke u yinl ndon; ki kpaa le ke n mu a yinl njiir.

2 Korenti 11:2

N jɔɔ lipiiponl nim bu, lipiiponl lan nyan Uwonbɔr ban. N ta ni ki sei chal uba le kpeŋileŋ, u ma ye Masiya, naah li ŋa man wee n ta ni ki sei u wee ni li ye kasi a piikalin.

Filipi 2:2

ni bi li mɔŋim pam ni ye ni potiɛl bi nann tab, wee ni jɔɔ njiɛm nba, ki jɔɔ kinaaŋ kiba nin ibonn iba.

1 Jɔnn 1:4

Ti sɔb ni niɛ nan ki tenn ni, ke nin che ti li jɔɔ nmɔn biɛn.

2 Jɔnn 1:12

N jɔɔ tibɔr takpem n sɔb sei ni, amaa maa ban n ta kugbɔŋ nin ngbansɔbmɔɔn ki sɔbi. Amaa n jɔɔ tama ke n li gɔnn ni wee ti num n kan tab wee n pag sei ni, wee ti mɔm nmɔn ngbeen.

Tibɔkpiirkaan 21:9

Le malakam bilile ban ŋmag tiyir tilile wee ti gbee nin imag ilile-n yan joorin a ni uba beim ke, “Dan wee n wɔɔniŋ ujakunn nin, wan ye kipeebig nmɔn a bɔɔnh.”