Jɔnn 3:18 - UWONBƆR A GBƆNPƆŊ LIKƆƆNL

¹⁸ Waa yin bii wan biɛn ŋaa u yada, amaa wan biɛn kaa ŋaa yada pii si nbiimin le nan bu-n waa ŋa Uwonbɔr a Bija gaŋin yada.

Uwumbɔr aagbaŋ

¹⁸ Unii umɔk gaa u ki kii na, Uwumbɔr aa len ke waabɔr bii. Unii umɔk kaa gaa u ki kii na, Uwumbɔr len ke waabɔr bii a. Waah kaa gaa Uwumbɔr Aajapɔnbaal ki kii na, nima le cha Uwumbɔr len ke waabɔr bii.

Jɔnn 3:18 ပူးပေါင်းရင်းမြစ်များ

Tibɔnyaan ti Mak ŋmee ti na 16:16

Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u.

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 6:47

N bei ni ibamɔn le, wan ŋa yada jɔɔ limiɛfol lan kaa jɔɔ diɛm.

Rom Yaab 5:1

Mambu, ti yada kan che ti ŋa bininfoŋam Uwonbɔr ban nin, li che ti be Uwonbɔr ban nin nposɔɔn ti yudaau Yisa Masiya bu,

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:34

Ŋma li fir bii baa? Masiya le nan kpo, le nan jon man le ye u nan fii nkumin na, ki ka Uwonbɔr a nɔɔjiim paam ki miɛ Uwonbɔr ki tenn ti.

Hiibru Yaab 12:25

Ni laa nyi yii Uwonbɔr wan pag nan ni. Ni ye baa nan ŋmar baah nan yii wan a kpaan yin dulinya nan yaan nin ban ke, ŋma nin nan chaa baan timaa, ni ye ti labir ti bɔɔn kpaa wan be papaab ki kpaan ti nan ke naa?

Hiibru Yaab 2:3

ti yin ŋa nii wee ki ŋmara, ni ye ti yii nŋmarim man polig nan ke naa? Nŋmarim man wee Uyudaan nan chinn pag mi bɔrin, le ban nan gbir U bɔr nmɔn jin ti siɛra ti ban.

Hiibru Yaab 3:19

Ni bu, ti kan ke baa nan fir kɔɔ lifooril nmɔn yaan ni, nan bu-n bi kaa jɔɔ yada-n bu.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.

1 Jɔnn 4:9

Uwonbɔr kaah wɔɔn ti waah jiɛ ti man sɔ: U nan tunn U bija gaŋin dulinya nan yaan ke nin che ti kan limiɛfol kibig nmɔn bu.

1 Jɔnn 5:10

Wan biɛn ŋa Uwonbɔr a bija nan yada jɔɔ siɛra nan u sufu ni. Wan kaa ŋa Uwonbɔr yada ta U ki labir tibɔkardaan na, nan bu-n waa ŋa yada Uwonbɔr a siɛra kan wee U jin U bija-n bu.

1 Jɔnn 5:12

Wan jɔɔ Bija-n jɔɔ limiɛfol; wan kaa jɔɔ Uwonbɔr a Bija-n ke waa jɔɔ limiɛfoli.