Jɔnn 3:17 - UWONBƆR A GBƆNPƆŊ LIKƆƆNL

¹⁷ Uwonbɔr kaa nan tunn u bija dulinya nan yaan ke un nan bii dulinya le, amaa u bu le dulinya yaab li kan feegab.

Uwumbɔr aagbaŋ

¹⁷ Uwumbɔr tun ni Ujapɔɔn dulnyaa ni. Waa tun ni u ke u nan ji dulnyaa wee ni aanib tibɔr, u tun ni u ke u gaa bi lii la.

Jɔnn 3:17 ပူးပေါင်းရင်းမြစ်များ

Matiu 1:23

“Lig! Usapɔɔn wan kaa nyi uja na li choo lipool ki maa kibijag, le bi na li yin u yinl ke Imanuel.” Ni taai le ye, “Uwonbɔr be nin ti.”

Matiu 18:10

“Ni li nyi man ki laa yin nbuwaab nan a ni uba yɔli; nan bu-n n bei ni le, bi malakam ban be paab nan be n Baa wan be paabin a nintogil le iyoo biɛn.”

Matiu 18:11

Amaa Uninfosaal a Big dan ke un nan fee ban bor n le ki jaa.

Tibɔnyaan ti Luk ŋmee ti na 19:10

Nan bu-n Uninfosaal a Big dan ke u nan ban kan ban borin le, ki fee bi ki jaa.”

Tibɔnyaan ti Luk ŋmee ti na 9:56

le u ma nin u bɔɔnɔɔb nan jon kitiŋ kiba ni.

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 10:36

ke wan wee Baa-n nan gann wee u ye u yaa win ki tunn u dulinya nan yaan nin? Ba ŋa wee ni galim ke n sugir Uwonbɔr maah ke ‘N ye Uwonbɔr a Bija-n’ buu?

Jɔnn 11:42

N nyi ŋaah gbaa gbir n bɔr, amaa n len man le bininfob ban si do nan nbiɛ, wee ki ŋa yada ke fin le tunim.”

Jɔnn 17:18

Ŋaah nan tum dulinya-n man nin, man le n tun bi dulinya-n.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 17:8

Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

Jɔnn 20:21

Le Yisa ji nan bei bi ke, “Nposɔɔn li be nin ni! N Baa kaah nan tum man nin, man le n mu tun ni.”

Jɔnn 3:34

Nan bu-n wan wee Uwonbɔr nan tun nin pag Uwonbɔr a mɔbonl le, nan bu-n Uwonbɔr gbeen u Kinaaŋ le.

Jɔnn 5:36

N jɔɔ n baantɔɔl a siɛra jil ke ki kpiɛg ki jon Jɔnn kaah jin n siɛrau. Nan bu-n, litoonl lan wee Baa-n ta seim ke n tun diɛ-n, le n be tun nin, le jin siɛra ke Baa-n li nan tunim.

Jɔnn 5:38

le u mɔleen mu kaa kɔɔ ni sufu ni, nan bu-n naa ŋa wan u nan tun nin yada.

Jɔnn 5:45

“Amaa ni laa tiɛr ke n li galin ni Baa-n a nintogili. Wan galin ni ye Moziz, wan bu wee ni tama be-n le.

Jɔnn 6:29

Le Yisa jiin ke, “Uwonbɔr a toonl ye nan le: Ŋaam wan wee u nan tun nin yada.”

Jɔnn 6:38

Nan bu-n maa nan nyan paab jiirin ke n nan tun n wiib kaah ban man le amaa ke n nan tun Uwonbɔr wan nan tunimin a wiib kaah ban man.

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 6:57

Ke Baa wan fo-n kaah nan tum wee n be ki jɔɔ limiɛfol Baa-n bu-n, man mu le wan ŋman n gbanann li jɔɔ limiɛfol n bu.

Jɔnn 7:29

amaa min nyi u, nan bu-n uma nan tum le n nyan u ban le ki dan.”

Jɔnn 8:11

Le upii-n ke, “Uyudaan, uba kaa ji bii mi.” Le Yisa nyan pag npaan ni ke, “Tɔ man ke n tɔɔl kaa bii ŋi, li chaa daandaan nan na wee ki jiɛn tibir a binbema.”

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

1 Jɔnn 2:2

Uma ye tibir a manug kan ŋunn ti bir, le naa ye tim a binba a bir bu amaa nin dulinya munl nan biɛn a bir.

1 Jɔnn 4:14

Le ti kan ki jin siɛra ke ti Baa-n le nan tunn U Bija ke un nan ŋa dulinya nan a feeru.