Jɔnn 3:15 - UWONBƆR A GBƆNPƆŊ LIKƆƆNL

¹⁵ wee wan biɛn ŋa u yada ke u li kan limiɛfol lan kaa jɔɔ ndiɛmi.

Uwumbɔr aagbaŋ

¹⁵ aan unii umɔk gaa mi ki kii na li kpa limɔfal li kaa kpa ndoon na.”

Jɔnn 3:15 ပူးပေါင်းရင်းမြစ်များ

Matiu 18:10

“Ni li nyi man ki laa yin nbuwaab nan a ni uba yɔli; nan bu-n n bei ni le, bi malakam ban be paab nan be n Baa wan be paabin a nintogil le iyoo biɛn.”

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Tibɔnyaan ti Mak ŋmee ti na 16:16

Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u.

Tibɔnyaan ti Luk ŋmee ti na 19:10

Nan bu-n Uninfosaal a Big dan ke u nan ban kan ban borin le, ki fee bi ki jaa.”

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Jɔnn 6:27

Ni laa tun ki ban tijiir tan li bii, amaa ni li gbaar ban tijiir tan li che ni kan limiɛfol lan kaa jɔɔ diɛm, tan wee Uninfosaal a Bigin yin sei ni-n. Uwonbɔr wan ye Baa-n le ta u cheem a daagim ki paan u bu.”

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 6:47

N bei ni ibamɔn le, wan ŋa yada jɔɔ limiɛfol lan kaa jɔɔ diɛm.

Lituln 13:41

‘Ni lig man, nim bininfob ban yɔɔl nan, Ni che nin gar ni wee ni gbanann n kpo, N yin tun niwann niba le idaa nan yaan, le naa yin ŋa ni yada, hali ni ye uba le bei ni ke gbaa.’

Lituln 8:36

Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

1 Korenti 1:18

Masiya a kum lidapunpunlin bu-n a bɔr ye ijɔrig le ki sei ban borin, amaa tim ban kan feegabin n ma ni ye Uwonbɔr a pɔɔm le.

2 Korenti 4:3

Nibu, ni ye Uwonbɔr a bɔŋann nin pag ki woon ke, ni pag woon ban bor Uwonbɔr a samin nin le.

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Hiibru Yaab 10:39

Amaa tim kaa ye ban sul jir bɔɔn wee ki gab yɔli nni, amaa ti ye ban ŋa yada nin ban kan feegabin le.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

1 Jɔnn 5:1

Uninfo wan biɛn ŋa yada ke Yisa le ye Masiya ke, Uwonbɔr le ma u, le uninfo wan biɛn jiɛ Baa-n jiɛ U bigin tɔɔl.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.