Jɔnn 21:22 - UWONBƆR A GBƆNPƆŊ LIKƆƆNL

²² Le Yisa jiin u ke, “Ni ye n ban u li be nin u miɛfol ki nan kpaa n-yonn man wee n li jirin ke, ni ye ba ki sei ŋaa? Ni kpaa le nin a nɔɔm.”

Uwumbɔr aagbaŋ

²² Le Yesu bui u, “M yaa gee ke u li bi ki nan saa buyoonn m ga nan gir ni na kan, ti ye saabɔr aa? Li dii mi.”

Jɔnn 21:22 ပူးပေါင်းရင်းမြစ်များ

Matiu 16:24

Amaa le ki bei u bɔɔnɔɔb ke, “Wan ban un nɔɔm ke, see ke u yii u ba le ki yuur u kum a dapunpunl ki nɔɔm.

Matiu 24:27

Nan bu-n Uninfosaal a Bigin a dam na yin be le ke utaal kaah ti nyagir liwonpɔɔnl wee bi ga ki liwonlul man ni.

Matiu 24:3

Yisa kaah nan jon tan ka lijɔɔl lan wee bi yi li Olif a Siigi a Jɔɔl a paab nan, le u bɔɔnɔɔb dan u ban, bi binba, ki nan baan u ke, “Ibayoo wee ni niɛ nan biɛn na yin ŋaa? Ba nan yin ye a dam nmɔn a siɛra nin dulinya nan a diɛm paam maa? Bei ti ni.”

Matiu 24:44

Mambu, ni ŋan nin ni mu ŋa sili, nan bu-n Uninfosaal a Big mu na yin dan n-yonn man wee naa yin nyi u bu-n le.

Matiu 25:31

“Uninfosaal a Bigin nan jirin nin u pag nin malakam biɛn n-yonn man ke, u na yin kal u naangbɔŋ bu le nin u pag.

Matiu 8:22

Le Yisa bei u ke, “Li nɔɔm ni wee ki che bitakpiib li pii bi taba.”

Tibɔnyaan ti Mak ŋmee ti na 9:1

Ni bɔɔn bu le Yisa ji len ke, “Ibamɔn le n bei ni nan, biba be do kaa li kpo see ke bi nan kan Uwonbɔr a naamin a dam a pɔɔm.”

Jɔnn 21:19

Yisa nan len man ki wɔɔn nkum man a bol wee Piita yin kpo wee ki ta kupag sei Uwonbɔr nle. Le ki bei u ke, “Li nɔɔm ni!”

Jɔnn 21:21

Piita kaah kan win, le u baan u ke, “Uyudaan, ke u ma?”

1 Korenti 11:26

Iyoo yan biɛn wee ni ŋman boroboro nan wee ki nyun kiyiinyɔɔg nan yaan ke, ni mɔɔn Uyudaan a kumin le nin waah na li jirin.

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

1 Tesalonika 2:19

Ti tama nin ti mɔm ye baa, bee ti nyaŋim a yuchigirig kan wee ti na yin ta kan jilima u Yudaan Yisa ban u jirin daalin ye ki laa? Naa ye nimaa?

Jemisi 5:7

Mambu n nabum, ni mɔra, hali ki nan kpaa ti Yudaau a jirim. Ni lig ukpaar kaah jɔɔ limɔril man ki guu u kpaab kaah na li ŋa tijiir, naah yuur unalantaal a yonn ki nan kpaa utakotaal a yoo.

Jemisi 5:8

Ni mu li jɔɔ limɔrila, ki li si nbamɔma, nan bu-n Uyudaan a damin mala.

Tibɔkpiirkaan 1:7

Lig, u be titalangbann nin ki chaan, le nnumbim biɛn na li kan u; hali nin ban nan ŋu win li kan u; le dulinya yaab biɛn na li mɔɔ u bu. Ni sin li ŋa man! Ibamɔn.

Tibɔkpiirkaan 2:25

Ni le li ŋmag nan wee ni jɔɔ-n hali nin maah na li dan.

Tibɔkpiirkaan 22:20

Wan jin ni niɛ nan biɛn a siɛra len ke, “Nn, n chaan le daandaan nan.” Ibamɔn. Dan, Uyudaan Yisa.

Tibɔkpiirkaan 22:7

“Ni lig, n chaan le daandaan nan! Tikaar be ban ŋmag ilinlen leen a mɔboi yan be kugbɔŋ nan yaan nin bu.”

Tibɔkpiirkaan 3:11

N chaan le daandaan nan. Ni li ŋmag nan wee ni jɔɔ nna, wee uba laa nan fee ni naam a yuchigirigi.