Jɔnn 20:17 - UWONBƆR A GBƆNPƆŊ LIKƆƆNL

¹⁷ Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Uwumbɔr aagbaŋ

¹⁷ Le Yesu bui u, “Taa meeh mi. Maa kee buen paacham, Nte Uwumbɔr chee. Li cha ki ti tuk nnaabitiib ke m cha paacham, Nte u ye Maawumbɔr na chee la, u ye ni mu Aate, ki ye ni mu Aawumbɔr na.”

Jɔnn 20:17 ပူးပေါင်းရင်းမြစ်များ

Matiu 12:50

Nan bu-n wan tun n Baa wan be paab nan a bam ke, u ma ye n waal nin n ninsa nin n na.”

Matiu 25:40

“Le ubɔrin mu na li jiin ke, ‘N bei ni ibamɔn le, naah nan tun man ki tenn n nabum ban waarin, ni nan ye min le ni nan tun ki tenn.’

Matiu 28:7

Ni li chaa weem weem ki tan bei u bɔɔnɔɔb ke u fii nkumin na, le ki liir ni sam ki jon Galilii u. Daandaan nan n bei ni le, nin yaan le ni li kan u.”

Tibɔnyaan ti Mak ŋmee ti na 12:26

Ki jiin nkum a fiim paam, naa nyi ki karin Uwonbɔr a linlenu Moziz a sɔbim n naa, naa nan pag ki jiin kujagorug a bɔr n naa? Ni sɔb ke Uwonbɔr nan bei Moziz ke u ma Uwonbɔr le ye Abiraham a weem, nin Azig a weem, nin Jekɔb a weem.

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Tibɔnyaan ti Luk ŋmee ti na 10:4

Ni laa ŋmag ilig a pɔgi, bee lipɔgil, bee inaatagi, le ki laa poor uba nsan bu.

Jɔnn 13:1

Ni nan yin wonn kutaag Yuglagir a Chiigin le. Le Yisa nan nyi ke iyoo foo nin u nya dulinya nan yaan ki jo Baa-n ban. Waah pii nan jiɛ u yaab ban be dulinya nan yaan nin, le u nin nan ta u jiɛm man gbee-n kaah kpaa man ki wɔɔn bi.

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 14:2

Tidir takpem le be n Baa a niin; naa bi ye man ke, n bi li bei ni. N chaa niin le n tan mann npaan ki guur ni.

Jɔnn 14:28

“Ni gbir maah ke, ‘N yin fɔɔr le ki ji jirin ni ban.’ Ni ye ke a jiɛm ke, a li jɔɔ nmɔn na, maah chaa Baa-n ban nin, nan bu-n Baa-n li yab ki jom.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 16:28

N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”

Jɔnn 17:11

Maa ji yin be dulinya nan yaan ni, amaa bi ma la be dulinya nan yaan, min chaan A ban le. Baa wan be kasi, guur bi A yinlin a pɔɔm bu, liyinl lan wee A ta sei min bu, naah li ŋa man wee bin ŋa nba ke taah ye nba man nin.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 20:27

Le ki bei Tomasi ke, “Ta a nɔɔbil ki nan bɔ doou; lig n nɔɔi. Tann a nɔɔ ki bɔ n logi a boi nan yaan na ki jiɛn nbiɛnim wee ki ŋa yada.”

Jɔnn 7:33

Le Yisa len ke, “N yin be ni ban n-yonn man kaa fɔg le, ki nin jo wan nan tunimin ban.

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

2 Korenti 6:18

“Wee N li ye ni Baa, le ni mu li ye N naachim nin N bisiɛm, Uyudaan wan jɔɔ npɔɔn le len man.”

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Hiibru Yaab 11:16

Amaa bi nan ban kitiŋ kan ŋan le, ki be papaab. Mambu naa jɔɔ Uwonbɔr ifa nin bin yin U ke bi Wonbɔr wi, ni ma bu U mann kitiŋ le ki guu bi.

Hiibru Yaab 8:10

N-yonn nmɔn nan jon ke, maah li poo tipoor tan sei Iziral yaab sɔ, Uyudaan le len. N li ta n siim ki ŋa bi potiɛrin le ki sɔb nsiim nmɔn ŋa bi sufu ni. Le n na li ye bi Wonbɔru, le bi mu na li ye n ninfob.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Tibɔkpiirkaan 21:3

Le n gbir likukɔl kaah nyan nnaam a gbɔŋin yaan ki len ke, “Daandaan nan Uwonbɔr a binben bol be bininfob ban, le U li be nin bi. Bi li ŋa U ninfob, le Uwonbɔr mu tɔɔl li be nin bi ki ye bi Weem.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.