Jɔnn 2:23 - UWONBƆR A GBƆNPƆŊ LIKƆƆNL

²³ Tɔ waah nin nan be Jerusalam yuglagir a chiigin ni, bininfob takpem nan kan ligaril a siɛram yan wee u nan ŋaan nin le ki ŋa u yinl yada.

Uwumbɔr aagbaŋ

²³ Yesu aah bi Jerusalem aatiŋ ni, njim ngbaan aayoonn na, le kinipaak kan waah tun lijinjiir aatun pu na, le ki gaa u ki kii.

Jɔnn 2:23 ပူးပေါင်းရင်းမြစ်များ

Tibɔnyaan ti Luk ŋmee ti na 8:13

Man mu nan lu kutintiɛg nan bu mu nann bininfob ban gbir n bɔr nin npopeen, wee ta laa jiir bi sufu ni nbamɔm n le; bi ŋa Uwonbɔr yada n-yonn wama nan le, tɔ, le nton pii bi ke, le bi yii n nɔɔm.

Jɔnn 11:45

Mambu Juu yaab pam ban nan dan bi nan poor Meri, wee ki nan kan Yisa kaah ŋa man nin, le bi ŋa u yada.

Jɔnn 2:11

Ni ma nan ye u chinchinn a garil a siɛra, lan wee Yisa nan ŋa Kena a tiŋ kan be Galilii a poolin. U nin nan kpiir ki wɔɔn u pag a toon kaah ye man, le u bɔɔnɔɔbin nan ŋa u yada.

Jɔnn 2:13

Juu yaab a yuglagir a chiig kaah nan malin, le Yisa nan jon don Jerusalam.

Jɔnn 3:2

Daal liba a nyiɛg le u nan dan Yisa ban le ki nan ke, “Rabbi, ti nyi ke a ye wan wɔɔnn le ki nyann Uwonbɔr ban. Nan bu-n uba kaa li fir ŋa ligaril a siɛram yan wee a ŋaan nan wee naa ye Uwonbɔr le be u ban ni.”

Jɔnn 4:45

Waah nan foo Galilii n, le Galilii yaab nan gaa u kuchɔŋ. Bi nan kan nan biɛn wee u nan ŋa Jerusalam yuglagir a chiigin yaan na, nan bu-n bi baantɔɔl nan be niin.

Jɔnn 5:36

N jɔɔ n baantɔɔl a siɛra jil ke ki kpiɛg ki jon Jɔnn kaah jin n siɛrau. Nan bu-n, litoonl lan wee Baa-n ta seim ke n tun diɛ-n, le n be tun nin, le jin siɛra ke Baa-n li nan tunim.

Jɔnn 6:14

Bininfobin kaah nan kan ligaril a siɛra yan wee Yisa nan tun nin a bɔɔn, le bi nin piin ki len ke, “Ibamɔn, ulinlenn wan yin dan dulinya nan yaan nin sɔ.”

Jɔnn 6:2

le kuninfobabug nan nɔɔ u, nan bu-n bi nan kan ligaril a siɛram yan wee u nan tun ki sei bibaaribin le.

Jɔnn 7:31

Ni man biɛn nan, bininfob takpem ban nan be kulaguŋin yaan nan ŋa u yada. Le ki ke, “Masiya-n nan foon ke, u li ŋa ligaril a siɛram wee nin jo uja nan kaah ŋa man naa?”

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.