Jɔnn 19:4 - UWONBƆR A GBƆNPƆŊ LIKƆƆNL

⁴ Le Palati ji nyan ki tan bei Juu yaabin ke, “Lig, n yin ta u nyann le ki nan sei ni wee ni biɛ ke maa kan nan wee n li ta galin wi.”

Uwumbɔr aagbaŋ

⁴ Le Pailat ki nyan lipaal, ki ti bui Juu yaab, “M ga di u nyan ni lipaal ni chee, aan ni bee ke maa kan waataani ubaa.”

Jɔnn 19:4 ပူးပေါင်းရင်းမြစ်များ

Matiu 27:19

Palati kaah la nan ka ji Yisa tibɔr nan, le u poo tun ntoon ke: “Nyan a nɔɔ uninfo wan kaa jɔɔ bir nan a bɔrin na, nan bu-n kunyiɛg n won dɔgin uja nmɔn a dindɔgin ti mugim pam.”

Matiu 27:24

Palati kaah nan biɛ ke u pag ki chaa ke naa jɔɔ tinyɔɔrin, amaa wee bininfob a mɔb nan pɔɔgirin, le u ta nnyum ki nir u nɔɔi, bininfob n-yaa numin, le ki sin len ke, “N nɔɔ kaa be uja wan kaa jɔɔ tibir nan a cham a nyamin ni. Ni ye ni yaa bɔr le.”

Matiu 27:4

Le ki len ke, “N ŋa tibira, nan bu-n n kɔɔr uninfo wan kaa jɔɔ tibira.” Le bi jiin ke, “Aho, ti mu a baga ji be niin lee? Ni ye a yaa bɔr le.”

Matiu 27:54

Bitɔtogibin a ninkpelu nin bitɔtogib ban kpiɛ u bu ki guu Yisa kaah kan kutingbɔŋ kaah damin nin nan biɛn tun ni, le bijawaam choo bi takpem, le bi len ke, “Ibamɔn buu, uja nan sin ye Uwonbɔr a Bija le.”

Tibɔnyaan ti Luk ŋmee ti na 23:4

Le Palati mɔɔn ki bei kumanug a yudamin nin kuninfogbaluŋin yaan ke, “Maa kan nan wee n li ta galin uja nan ni.”

Tibɔnyaan ti Luk ŋmee ti na 23:41

Tim kan litudaril nin ibamɔn le, nan bu-n bi jiin ti toon kaah kpaan ti gaa man le. Amaa uja nan ma kaa tun tibir ti ba.”

Tibɔnyaan ti Luk ŋmee ti na 23:47

Bitɔb a sanliiru kaah nan kan ni wan nan tun nin, le u nan don Uwonbɔr a yinl ki ke, “Ibamɔn uja nan ye ubuchin le.”

Jɔnn 18:33

Le Palati nan jir kɔɔ nnaakoon, ki tan yin Yisa ki baan u ke, “Fin le ye Juu yaab a bɔru win naa?”

Jɔnn 18:38

Le Palati baan u ke, “Ba ye ibamɔn naa?” Imɔbon nan a bɔɔn bu le Palati ji jir nyan Juu yaabin ban ki tan bei bi ke, “Maa kan nan bu wee n li galin wi.

Jɔnn 19:6

Libol nmɔn biminmanib a yudam nin ban guu iwonjiɛn niin nin kaah kan win, le bi tiɛn ki ke, “Ni kpaa mu! Ni kpaa mu!” Amaa le Palati jiin ki bei bi ke, “Ni nan ta u ki tan kpaa mu. Min bu ke, maa kan nan wee n li ta galin wi.”

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Hiibru Yaab 7:26

Biminmanib a yudaau nmɔn le tenn ti taah ban nan, ki ye wan be kasi, kaa jɔɔ igalin ni, kaa jɔɔ tijaginn ni, le Uwonbɔr che u be u binba kaa ŋmar nin tibirdamin ni, ki don u yinl ki jon ban biɛn be paab a naamin yaan.

1 Piita 1:19

amaa ni nan ye Masiya wan a cham ŋan nin le, Masiya wan ye kipeebig kan kaa jɔɔ igalin bee kidaŋi.

1 Piita 2:22

“Waa nan tun niba a biri, le kularug mu kaa nan nyi nyan u mɔnn ni.”

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.