Jɔnn 19:30 - UWONBƆR A GBƆNPƆŊ LIKƆƆNL

³⁰ Yisa kaah nan gaa nyun nin, le ki bei ke, “Ni diɛu.” Le ki tibin u yul tum le ki kpo.

Uwumbɔr aagbaŋ

³⁰ Waah moor ni na, le u bui ke, “Maatuln doo a,” le ki gaa tiin, ki cha waawiin nyan, le u kpo.

Jɔnn 19:30 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 27:50

Le Yisa ji mann kunn papaab, le ki nin kpo.

Matiu 3:15

Le Yisa jiin ke, “Che ni ŋa man daandaan nan, ni ŋan nin ti tun man wee nin gbeen nbuchin binben biɛn.” Iyaayoo nmɔn le Jɔnn chee.

Tibɔnyaan ti Mak ŋmee ti na 15:37

Le Yisa mann kunn papaab, le ki nin kpo iyaayoo nmɔn.

Tibɔnyaan ti Luk ŋmee ti na 22:37

Ni sɔb Uwonbɔr a gbɔŋin ke: ‘Bi kan u kpiɛ titoonbirdamin na’; le n bei ni le ke ni na li gbeen n ni. Nn, nan pii nan sɔb ki ta jiin n bu-n mal nin gbeen na.”

Tibɔnyaan ti Luk ŋmee ti na 23:46

Le Yisa nan tiɛn nmɔpɔɔn ki ke, “N Baa, n ta n naaŋ ki ŋubin a nɔɔn na.” Waah nan len man ki diɛ-n le u foor u diɛm a foorug.

Jɔnn 10:11

Min le ye upeekpaar ŋan nin. Upeekpaar ŋan nin le taa u miɛfol ki kpenn ipee.

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Jɔnn 17:4

N ŋmagin kupag nan dulinya-n le n nan seiŋ maah diɛ litoonl lan wee A nan ta seim ke n tun nin.

Jɔnn 19:28

Ni bɔɔn bu, Yisa kaah nan nan biɛ ke niwann biɛn diɛ, ki li gbeen naah sɔb man Uwonbɔr a gbɔŋin nin, le u len ke, “Nnyunyum le jɔɔm.”

Jɔnn 4:34

Le Yisa len ke, “N yaa jiir ye n tun wan nan tunim kaah ban man le ki sin diɛ itoon yan wee u seim ke n tun nin.

Rom Yaab 10:4

Masiya le ye nsiimin a diɛm le ban biɛn ŋa u yada ke bi li jɔɔ nbuchin binben.

Rom Yaab 3:25

Uwonbɔr nan ta U le ki mann tibir a manug, baah ŋa u chamin yada-n bu. U tun man ki ban un wɔɔn u bamɔn le, nan bu-n, U nan jɔɔ limɔril, kaa dar bininfob ban tun tibir n-yonn man wee Yisa Masiya kaa la nan dan dulinya nan yaan nin a tuli yi,

1 Korenti 5:7

Ni bu, ni jiɛn ni binben kpegim n na, ki ŋa bininfob pɔm ke naah pii be man ni. Bi ta Masiya wan ye ti yuglagir a peebigin mann kumanuga.

Filipi 2:8

Waah nan kpenn ki gaa uninfosaal a gbanann nin bu, le u nan jiin u ba tum, le ki chee nkum a mɔb, hali ki kpo lidapunpunl bu!

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Hiibru Yaab 9:22

Ibamɔn buu nsiimin wɔɔn ke ncham le ye min ŋunn niwann biɛn, ni bu ncham kaa nyan ke tibir a jiɛnper kaa be.