Jɔnn 19:28 - UWONBƆR A GBƆNPƆŊ LIKƆƆNL

²⁸ Ni bɔɔn bu, Yisa kaah nan nan biɛ ke niwann biɛn diɛ, ki li gbeen naah sɔb man Uwonbɔr a gbɔŋin nin, le u len ke, “Nnyunyum le jɔɔm.”

Uwumbɔr aagbaŋ

²⁸ Le Yesu bee ke u tun waatuln doo a. Le u bui ke, “Nnyunyuu chuu mi.” Waah len kina na, ni gbiin Uwumbɔr Aagbaŋ aah len pu na.

Jɔnn 19:28 ပူးပေါင်းရင်းမြစ်များ

Tibɔnyaan ti Luk ŋmee ti na 12:50

Amaa n jɔɔ nnyum a fum n gaa, ni yin ŋaam npoobiin le hali nin naah na li diɛ.

Tibɔnyaan ti Luk ŋmee ti na 18:31

Le Yisa nan yin u bɔɔnɔɔb piig nin bilee-n ki nyan ngbaan ki tan bei bi ke, “Ti chaa do Jerusalam le nan, le niwann nan biɛn wee Bilinlemin nan sɔb ki jiin min Uninfosaal a Bigin paamin li gbeen.

Tibɔnyaan ti Luk ŋmee ti na 22:37

Ni sɔb Uwonbɔr a gbɔŋin ke: ‘Bi kan u kpiɛ titoonbirdamin na’; le n bei ni le ke ni na li gbeen n ni. Nn, nan pii nan sɔb ki ta jiin n bu-n mal nin gbeen na.”

Tibɔnyaan ti Luk ŋmee ti na 9:31

nan degir nin linungbeel a pag, ki pag nin Yisa ki jiin u kum paam, nin waah na li kpo Jerusalam ki gbeen Uwonbɔr a bam man.

Jɔnn 13:1

Ni nan yin wonn kutaag Yuglagir a Chiigin le. Le Yisa nan nyi ke iyoo foo nin u nya dulinya nan yaan ki jo Baa-n ban. Waah pii nan jiɛ u yaab ban be dulinya nan yaan nin, le u nin nan ta u jiɛm man gbee-n kaah kpaa man ki wɔɔn bi.

Jɔnn 17:4

N ŋmagin kupag nan dulinya-n le n nan seiŋ maah diɛ litoonl lan wee A nan ta seim ke n tun nin.

Jɔnn 18:4

Yisa, kaah nan nyi niwann nan biɛn li ŋa win, le u nan nyan sir ki too bi le ki baan ke, “Ŋma wee ni ban naa?”

Jɔnn 19:24

Le bitɔtogibin bei tab ke, “Ni laa che ti choo chiɛ. Ni che ti tɔ inaa ki lig wan li ji daala nmɔn.” Ni niɛ nan nan ŋa ke nin gbeen nan nan sɔb Uwonbɔr a gbɔŋin ke, “Bi por n daalam ki sei tab le ki tɔn inaa n wann yeewann bu.” Man le bitɔtogibin nan ŋa.

Jɔnn 19:30

Yisa kaah nan gaa nyun nin, le ki bei ke, “Ni diɛu.” Le ki tibin u yul tum le ki kpo.

Jɔnn 19:36

Ni niɛ nan ŋa ke nin gbeen naah sɔb man Uwonbɔr a gbɔŋin ke: “U kpabil liba kaa yin gen ni,”

Jɔnn 4:34

Le Yisa len ke, “N yaa jiir ye n tun wan nan tunim kaah ban man le ki sin diɛ itoon yan wee u seim ke n tun nin.

Lituln 13:29

Baah nan ŋa Yisa man ki diɛ ke Uwonbɔr a gbɔŋ kaah wɔɔn man nin, le bi tabir u lidapunpunl bu, ki ta u pii kukaagin.