Jɔnn 19:11 - UWONBƆR A GBƆNPƆŊ LIKƆƆNL

¹¹ Le Yisa jiin ki bei u ke, “Ŋaa bi li fir jɔɔ npɔɔn ki jon mi wee naa ye mi nyann paab le. Mambu wan taam ki ŋa a nɔɔn nin jɔɔ tibir takpem.”

Uwumbɔr aagbaŋ

¹¹ Le Yesu bui u, “Uwumbɔr yaa kaa tii si mpɔɔn kan, saan ŋmaa li kpa mpɔɔn ki ŋa mi nibaa. Nima pu na, unii u di mi ŋa aaŋaal ni na, waatunwanbir jer siyaan.”

Jɔnn 19:11 ပူးပေါင်းရင်းမြစ်များ

Matiu 26:65

Le kumanug a ninkpelu nmɔn dar u baantɔɔl a daala ki chiɛ ki ke, “U sug Uwonbɔr a. Ke ti pii ji ban siɛradam ti ŋa baa? Lig, ni biɛn nan gbir waah sug Uwonbɔr man na.

Matiu 27:2

Le bi lol u tikulor ki ta u ki ŋubin ubɔr yudaau wan wee bi yi u ke Palati a nɔɔn.

Matiu 6:13

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Tibɔnyaan ti Mak ŋmee ti na 14:44

le Judasi wan kɔɔr Yisa nmɔn pii wɔɔn bi ke, “Wan wee n sɔɔn ki poor u ke ni li nyi ke u ma yen. Wee ni choo u ki li ŋmag u nbamɔm ki li jɔɔ u chaau.

Tibɔnyaan ti Luk ŋmee ti na 22:53

N nan be nin ni le idaa biɛn iwonjiɛn niin, le naa ta ni nɔɔ ki ma mi. Amaa iyoo nan le ye ni yonni, n-yonn man wee libunbɔnl a pɔɔm ŋmag dulinya nan.”

Jɔnn 18:13

le ki nan chinn ta u dan Anasi ban, wan a chɔɔl nan ye Kayafasi nan, wee u nan ye biminmanib a yudaau libinl nmɔn nin.

Jɔnn 18:3

Le Judasi nan dan isiig nmɔn yaan, ki taan bitɔtogib biba nin iwonjiɛn niin a guguub bibam, ban nan nyan biminmanib a yudam nin Farasiim ban nin. Bi nan ŋmag imumɔl le nin filaam nin tijawann.

Jɔnn 19:10

Le Palati ke, “A yii le kaa yin pag gar n paam maa? Ŋaa tiɛr ke n jɔɔ npɔɔn man li fir feeŋ jaa bee ki kpa ŋaa?”

Jɔnn 3:27

Le Jɔnn jiin ki len ke, “Uninfo le li fir gaa nan nyan paab ki tenn u le.

Jɔnn 7:30

Ni nan bu le bininfob ban nan be niin ni nan gbaar ban bin choo u, amaa uba kaa nan taa u nɔɔ paan u bu, nan bu-n u yonni kaa laa nan foo.

Jɔnn 9:41

Le Yisa len ke, “Ni bi ye bijɔɔm ke, naa bi li jɔɔ tibir a galin yi; amaa naah ke ni num ga nan, ni galin la be.”

Lituln 2:23

Uwonbɔr li nan ta uja nan ŋa ni nɔɔn, ki pii nan bon ki nyi nan na yin ŋa; le ni che tibirdam kpa u lidapunpunl bu le u kpo.

Lituln 3:13

Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.

Lituln 4:28

Le bi tun nan wee A pii nan tiɛr A bamin nin A pɔɔmin ke ni na li ŋaan.

Rom Yaab 11:36

Nan bu-n niwann biɛn nyan U ma ban le; le niwann biɛn be U bu le U ye niwann biɛn. U ma kpaan npagim hali n-yonn man kaa jɔɔ ndiɛmi! Ibamɔn.

Rom Yaab 13:1

Ni kpaa le nin uninfo biɛn n chee sei ubɔr yudaan a ninkper a pɔɔm kaah wɔɔn man, nan bu-n tininkper a pɔɔm li kaa be kaa ye Uwonbɔr kaah siin man ni. Tininkper a pɔɔm man be-n Uwonbɔr le ta mi ŋa.

Jemisi 1:17

Nan ŋan nin nan be kasi biɛn ye ipiin yan nyan paab le, ki nyan ti Baa wan jɔɔ papaab a weemin, wan kaa kpenn ke nbɔɔm kaah kpenn man nin.

Jemisi 4:17

Mambu wan nyi itoon ŋan yan bi ye un tun, wee kaa tun ke, u ŋa tibira.