Jɔnn 17:8 - UWONBƆR A GBƆNPƆŊ LIKƆƆNL

⁸ Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

Uwumbɔr aagbaŋ

⁸ ba pu? m tuk bi saah tuk mi tibɔr ti na, le bi gaa ti, ki nyi ke ni ye mbamɔn ke m nyan ni aa chee, ki pak ke si le tun ni mi.

Jɔnn 17:8 ပူးပေါင်းရင်းမြစ်များ

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Jɔnn 12:49

Nan bu-n maa pag n tɔɔl a pɔɔmin, amaa Baa wan tumin le beim maah li len man nin maah li pag man.

Jɔnn 14:10

Naa ŋa yada ke n be Baa-n ni le, le Baa-n be n nii? Imɔbon yan n pag sei ni kaa ye n tɔɔl a bɔri. Amaa, ti ye Baa, wan be n ni-n, le tun u toon.

Jɔnn 15:15

Maa ji yin yi ni bitoontumi, nan bu-n utoontunn kaa nyi u daau a toon yi. Amaa, n yi ni n jɔtiib le, nan bu-n maah biɛ nan n Baa ban nin n che ni mu biɛ na.

Jɔnn 16:27

Aai, Baa-n tɔɔl jiɛ ni nan bu-n naah jiɛm wee ki ŋaam yada ke n nyann Uwonbɔr ban nin bu.

Jɔnn 16:30

Daandaan nan ti kan ke a nyi niwann biɛn hali kaa ji ban u ba n baaniŋ ibinbaan ni. Ni ma che ti ŋaaŋ yada ke a nyann Uwonbɔr ban le.”

Jɔnn 17:14

Min le ta A mɔleen yin ki sei bi le dulinya yaab nan bi, nan bu-n baa ji ye dulinya yaab jigin ke maah kaa ye dulinya a ninfou man nin.

Jɔnn 17:18

Ŋaah nan tum dulinya-n man nin, man le n tun bi dulinya-n.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 3:17

Uwonbɔr kaa nan tunn u bija dulinya nan yaan ke un nan bii dulinya le, amaa u bu le dulinya yaab li kan feegab.

Jɔnn 3:33

Uja wan nan gaa siɛra-n u chee ke Uwonbɔr ye ubamɔndaan le.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

1 Korenti 11:23

Maah nan gaa nan Uyudaan ban ni, ni ma le n mu ta sei ni: Kunyiɛg kan wee bi nan kɔɔr Yisa-n, le u nan yuur boroboro,

1 Korenti 15:1

N nabum, n ban n tiɛr ni maah nan mɔɔn tibɔŋann tan ki sei ni wee ni gaa ti ki ŋmag nle.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Jɔnn 4:14

Le ti kan ki jin siɛra ke ti Baa-n le nan tunn U Bija ke un nan ŋa dulinya nan a feeru.

Tibɔkpiirkaan 1:1

Tibɔkpiirikaar tan wee Uwonbɔr nan ta sei Yisa Masiya ke, un ta wɔɔn u toontum nan yin tun daandaan nan. U nan che U malaka le wɔɔn U toontunnu Jɔnn,