Jɔnn 17:24 - UWONBƆR A GBƆNPƆŊ LIKƆƆNL

²⁴ “N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Uwumbɔr aagbaŋ

²⁴ “Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Jɔnn 17:24 ပူးပေါင်းရင်းမြစ်များ

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Matiu 25:23

“Le u yudaau jiin bei u ke, ‘Nfaan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu n yin ta tiwann takpem le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 26:29

N bei ni le, maa ji li nyi ki nyu isiloon a daam nan ni, see lidaal lan wee min nin nim na li lagin ki nyu miwanpɔm, n Baa a niin a naamin.”

Tibɔnyaan ti Luk ŋmee ti na 12:37

Bitoontum ban wee bi yudaau li foon ki miin bi guu u kunim nan npopeen ye bi yaan le. N bei ni ibamɔn le, u li ŋa sili ni itoon, ki che u toontum nmɔn kal le un yuur tijiir ki nan sei bi, le bin ji.

Tibɔnyaan ti Luk ŋmee ti na 23:43

Le Yisa jiin u ke, “N beiŋ ibamɔn le, dinan a li be n ban Uwonbɔr a niin.”

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 12:26

Wan ban un tun terim ke ni ye u li nɔɔm le, le n be nan yaan ke, n toontunnu mu li be niin. N Baa li sei wan tun tenn min jilima.

Jɔnn 14:3

Ni ye ke n jon tan mann npaan ke, n li jirin ki nan ta ni wee nitɔɔl tan li be n ban nan yaan wee n be-n.

Jɔnn 15:9

“Ke Baa-n kaah nan jiɛm man nin, man le n mu jiɛ ni. Daandaan nan li be nin n jiɛmin yaan na.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 17:22

N ta kupag kan wee A nan ta seimin ki sei ba, ke nin che bin ŋa nba ke taah ye nba man nin:

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 6:37

Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Jɔnn 6:39

Le Uwonbɔr wan nan tunimin a wiib kaah ban man sɔ, ke n laa lann nan biɛn wee u ta seimin ni, amaa ke lidajoorikaalin ke n don bi paab.

Jɔnn 8:58

Le Yisa jiin ke, “N bei ni ibamɔn le, Abiraham a na kaah nan maa win, ki miin n pii ye le!”

1 Korenti 13:12

Daandaan nan ti ga amaa nin nann taah lig niɛnu le, taa ga nbamɔmi; amaa n-yonn chaan le ti na li kan nbamɔm nin nnumbim. Daandaan nan n nyi wama le amaa n-yonn chaan le n na li biɛ ni biɛn ke Uwonbɔr kaah nyim biɛn man ni.

2 Korenti 3:18

Amaa tim ban wee likinkenl kaa deg ti num paamin, le ti kan ti Yudaau kaah jɔɔ tiŋann man takpem, le ni kpenn ti le ti nann u, le ti yaa ŋam nmɔn kpiɛg, le tiŋam nmɔn nyan Uwonbɔr wan ye kinaaŋin ban le.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

2 Korenti 5:8

N len na, ti jɔɔ tidindann, n bi li ban ke na ti pii bi nyan tigbanann a niin nan yaan na ki kun Uyudaan ban na.

Filipi 1:23

N be niwann nilee nmɔn a sisiigin le: N sufu ban ke n nya dulinya nan yaan ki tan li be Masiya ban, ni ma ŋan takpem;

1 Tesalonika 4:17

Le ni bɔɔn bu, le tim ban mu la fo wee ki gur be dulinya nan yaan nin mu li yug lagin nin bi ki too Uyudaan kitilangbɔŋin. Le ki nin gbaa be nin Uyudaan iyoo biɛn.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Tibɔkpiirkaan 21:22

Maa nan kan iwonjiɛn niin kitiŋ nmɔn yaan ni, nan bu-n Uyudaan Uwonbɔr Npɔɔn biɛn daan nin Kipeebigin le ye ki wonjiɛn niin.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.