Jɔnn 17:23 - UWONBƆR A GBƆNPƆŊ LIKƆƆNL

²³ Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Uwumbɔr aagbaŋ

²³ M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

Jɔnn 17:23 ပူးပေါင်းရင်းမြစ်များ

Jɔnn 10:38

Amaa ni ye ke n ŋa ni ke, naah kaa le ŋa min yada nan, ni ŋa ligarilin yadau, wee ni mann biɛ ke Baa-n be n ni, le n be Baa-n ni.”

Jɔnn 13:35

Ni ye ke ni jiɛ tab ke, ni ma le li che uninfo biɛn biɛ ke ni ye n bɔɔnɔɔb le.”

Jɔnn 14:10

Naa ŋa yada ke n be Baa-n ni le, le Baa-n be n nii? Imɔbon yan n pag sei ni kaa ye n tɔɔl a bɔri. Amaa, ti ye Baa, wan be n ni-n, le tun u toon.

Jɔnn 14:23

Le Yisa jiin ke, “Ni ye wan jiɛm ke, u li ŋa maah wɔɔn man. N Baa li jiɛ u, le n Baa nin min li dan u ban ki nan be u ban.

Jɔnn 15:9

“Ke Baa-n kaah nan jiɛm man nin, man le n mu jiɛ ni. Daandaan nan li be nin n jiɛmin yaan na.

Jɔnn 16:27

Aai, Baa-n tɔɔl jiɛ ni nan bu-n naah jiɛm wee ki ŋaam yada ke n nyann Uwonbɔr ban nin bu.

Jɔnn 17:11

Maa ji yin be dulinya nan yaan ni, amaa bi ma la be dulinya nan yaan, min chaan A ban le. Baa wan be kasi, guur bi A yinlin a pɔɔm bu, liyinl lan wee A ta sei min bu, naah li ŋa man wee bin ŋa nba ke taah ye nba man nin.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 17:26

N che bi biɛŋa, le ki li che bin mann biɛŋ naah li ŋa man wee Ŋaah jiɛm man nin li be nin bi wee n mu tɔɔl li be nin bi.”

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 17:8

Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

Jɔnn 3:17

Uwonbɔr kaa nan tunn u bija dulinya nan yaan ke un nan bii dulinya le, amaa u bu le dulinya yaab li kan feegab.

Jɔnn 6:56

Wan biɛn ŋman n gbanann ki nyun n cham ke u be n ban, le n mu be u ban.

1 Korenti 1:30

U ma Uwonbɔr bu le nim be nin Masiya, le u tenn ti U tɔɔl a lam. U ma ŋa ti bibuchim, ki ŋa ti kasi, le ki sei ti nkpenim a manug.

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Filipi 3:15

Tim ban biɛn chegir Uwonbɔr a samin nin li jɔɔ potiɛl liba ti sufu ni. Ni ye ni potiɛi kaa nan chee nan bu ke, Uwonbɔr li che ni biɛ ni taai.

Kolosiya 1:28

Yisa nmɔn le ti mɔɔn, ki kpaan bininfob ki wɔɔn bi nlam a booli biɛn, naah li ŋa man wee ti ŋa uninfob biɛn kasi ki sei Uwonbɔr, Masiya ni.

Kolosiya 2:2

N lol ye n che bi sufu le npɔɔg, wee bi lagin tab nin njiɛm, wee bi li jɔɔ nbiɛm man yab, wee ki li fir biɛ Uwonbɔr a bɔwoonkaar ti ma ye Masiya,

Kolosiya 3:14

Nin tiyeer nan biɛn, nan jon ni biɛn ni ye ni li jiɛ taba, njiɛm li lagin ni biɛn ki ŋmag nin nmɔkpaa man be kasi.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 4:19

Ti jiɛ U nan bu-n Uma nan chinn jiɛ ti.

Tibɔkpiirkaan 3:9

N li ŋa ban be Sintani a jiɛndiigin, wee ki ke bi ye Juu yaab amaa wee kaa sin ye Juu yaabin, ki ye bilinlaribin, n li che bin dan ki nan gbaan ni taatum ki tiɛr ke n jiɛ ni.