Jɔnn 17:2 - UWONBƆR A GBƆNPƆŊ LIKƆƆNL

² Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Uwumbɔr aagbaŋ

² ba pu? aa ŋa mi binib mɔmɔk Aadindaan ke m di limɔfal li kaa kpa ndoon na, ki di tii saah tii mi binib bi na mɔmɔk.

Jɔnn 17:2 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 17:6

“N kpiiriŋ ki wɔɔn bininfob ban wee A nan ta seim dulinya nan yaan nin na. Bi nan ye A yaab le; Fin le ta bi seim le bi chee A mɔleen.

Jɔnn 17:9

N miɛ le ki tenn bi. Maa miɛ tenn dulinya, amaa ban wee A ta bi seimin, nan bu-n bi ye A yaab le.

Jɔnn 3:35

Baa-n kaah jiɛ Bija-n bu le u ta niwann biɛn ki ŋa u nɔɔn.

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 6:27

Ni laa tun ki ban tijiir tan li bii, amaa ni li gbaar ban tijiir tan li che ni kan limiɛfol lan kaa jɔɔ diɛm, tan wee Uninfosaal a Bigin yin sei ni-n. Uwonbɔr wan ye Baa-n le ta u cheem a daagim ki paan u bu.”

Jɔnn 6:37

Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Jɔnn 6:39

Le Uwonbɔr wan nan tunimin a wiib kaah ban man sɔ, ke n laa lann nan biɛn wee u ta seimin ni, amaa ke lidajoorikaalin ke n don bi paab.

Rom Yaab 6:23

Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

1 Korenti 15:25

Masiya le yin ŋmag niwann biɛn ki tan kpaa iyoo yan wee Uwonbɔr na li nyaŋ u dataam biɛn.

Efesusi 1:20

U pɔɔm nmɔn le U nan ta ki fiin Masiya nkumin ki ta U kaan U nɔɔjiim paam papaab,

Filipi 2:10

ke ni ye bi nan pur Yisa a yinl ke idun biɛn li gbaan tum, papaab nin tum nin kutingbɔŋ kan be tumtum nan,

1 Timoti 1:16

Amaa ni niɛ bu le Uwonbɔr nan sam kunyunyunbaag, ke min wan ye chinchinn a birdaau win, wee Masiya n fir wɔɔn u mɔril lan kaa jɔɔ tarig wee ni li ye limagil ki sei ban li ŋa Yisa yada ki kan limiɛfol lan kaa jɔɔ ndiɛmi.

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

1 Jɔnn 1:2

Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.