Jɔnn 17:11 - UWONBƆR A GBƆNPƆŊ LIKƆƆNL

¹¹ Maa ji yin be dulinya nan yaan ni, amaa bi ma la be dulinya nan yaan, min chaan A ban le. Baa wan be kasi, guur bi A yinlin a pɔɔm bu, liyinl lan wee A ta sei min bu, naah li ŋa man wee bin ŋa nba ke taah ye nba man nin.

Uwumbɔr aagbaŋ

¹¹ Dandana, m choo aa chee la. Maan ki li bi dulnyaa ni; bima le ga li bi dulnyaa ni. Nte Uwumbɔr u ye chain na, aa tii mi saayimbil. Cha liyimbil ngbaan aapɔɔn li lik bi, bi li ye unibaan ke m ni si aah ye unibaan pu na.

Jɔnn 17:11 ပူးပေါင်းရင်းမြစ်များ

Matiu 10:16

“Ni lig man, n tun ni le, ni yin be le ke ipee kaah be igbingbel a sisiigin man ni. Ni ma bu ni che ni num li ween ke iwaa-n, amaa wee ki li be soon ke ilanjelin.

Matiu 5:48

Mambu, ni li be nbamɔm ke ni paab a Baa kaah be man ni.

Matiu 6:9

“Naah li miɛ Uwonbɔr man sɔ: ‘Ti Baa wan be paab, che a yinl li be kasi,

Jɔnn 13:1

Ni nan yin wonn kutaag Yuglagir a Chiigin le. Le Yisa nan nyi ke iyoo foo nin u nya dulinya nan yaan ki jo Baa-n ban. Waah pii nan jiɛ u yaab ban be dulinya nan yaan nin, le u nin nan ta u jiɛm man gbee-n kaah kpaa man ki wɔɔn bi.

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 14:20

Lidaal nmɔn ni na li biɛ ke n be nin n Baa le, le ni be nin min, le n be nin ni.

Jɔnn 16:28

N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 17:6

“N kpiiriŋ ki wɔɔn bininfob ban wee A nan ta seim dulinya nan yaan nin na. Bi nan ye A yaab le; Fin le ta bi seim le bi chee A mɔleen.

Jɔnn 7:33

Le Yisa len ke, “N yin be ni ban n-yonn man kaa fɔg le, ki nin jo wan nan tunimin ban.

Lituln 3:21

Yisa nmɔn la yin be Uwonbɔr a niin le, hali nin iyoo kaah na li foon, le Uwonbɔr n mann tiwann biɛn, ke waah nan che U kasi a linlem pag iyoo yan nan jon nin.

Rom Yaab 12:5

man mu le ye ni Masiya ni, ti ninfo gbaluŋ le lagin ki ŋa tigbanann tiba, le ligbanann bɔgil liba ye igbanann bɔg yan gurin yaan le.

Rom Yaab 9:17

Uwonbɔr a gbɔŋin u nan bei ubɔr Faro ke, “N jiŋ nnaam ni niɛ nan bu le, ke N ta N pɔɔm ki ŋa a ni ki che N yinlin mɔɔn dulinya nan a gbanann biɛn.”

1 Korenti 1:10

N nabum, n balin ni le ti Yudaau Yisa Masiya a yinlin, ke ni biɛn chee sei taba wee nbɔgirim laa be ni sisiigin ni, wee ni li jɔɔ nmɔkpaa man pɔɔ nin lipotiɛl liba.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Efesusi 4:4

Tigbanann tiba nin Kinaaŋ kiba le be, ke baah nan yin ni tama kiba bu a yim man nin,

Filipi 2:9

Ni ma bu le che Uwonbɔr don u papaab le ki sei u liyinl lan yab jon iyin biɛn,

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 9:24

Nan bu-n Masiya kaa nan kɔɔ bininfob kaah maa wonjiɛn bol lan nan nann wonjiɛn bol bamɔnlin yaan ni; paab baantɔɔl le u nan don, le ki si ti taalin Uwonbɔr a nintogil.

Jemisi 4:4

Nim ban kaa si bogiliba nan, naa nyi ke nim ban jɔɔr dulinya nan kujɔtiigin ŋa Uwonbɔr ni dataag lee? Wan jɔɔr dulinya nan kujɔtiig ke, udaan ŋa Uwonbɔr u dataaga.

1 Piita 1:5

ban wee Uwonbɔr a pɔɔm guu ni-n, ni yada bu-n, hali nin feegab a nyɔɔr kaah na li foon, tan ŋa sili ki na li kpiir iyoo yan na yin joorin.

1 Jɔnn 3:12

Ni laa be ke Keenn ni, wan nan ye ulinlaril a ninfou wee ki nan ku u waalin nni. Babu wee u nan ku u waalaa? Nan bu-n u toon yin nan ye tibir le, le u waal mu a toon nan ye tibuchinn.

1 Jɔnn 5:19

Ti nyi taah ye Uwonbɔr a buwaab, le dulinya munl nan be ulinlaril a nɔɔn.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin:

Juud 1:24

Uwonbɔr wan li fir ŋmag ni wee ni laa lu-n, U li ta ni ki siin U nintogil U pag kan kaa jɔɔ igalin ki jɔɔ nmɔn takpen nin bu.

Tibɔkpiirkaan 15:4

Ŋma kaa na li saŋa, Uyudaan aa, le ki ta kupag ki sei a yinlaa? Nan bu-n a binba le be kasi. Ibol biɛn na li dan ki nan jiɛniŋ a nintogil, nan bu-n a buchinn toon-yin kpiira.”

Tibɔkpiirkaan 19:12

Le u numbili nann nŋmipeen, le nnaam a yuchigirim takpem chig u yul bu. Liyinl liba nan sɔb paa u bu le uba kaa nyi li taai, see uma a binba.

Tibɔkpiirkaan 4:8

Tiwann naan wan tan fo tina nmɔn biɛn nan jɔɔ tikpinkpann tiloloob, le bi gbanann biɛn ye inunbil, hali nin bi ŋmiɛn nin na. Le nween nin kunyiɛg biɛn baa jiɛn ni le ki ke, “Kasi, kasi, kasi, le ye Uyudaan Uwonbɔr Npɔɔn biɛn daan, wan nan be, ki la be, ki la yin dan.”