Jɔnn 15:8 - UWONBƆR A GBƆNPƆŊ LIKƆƆNL

⁸ Ni nan li ye n Baa a pag, ke ni lo iloon takpem, ki wɔɔn ni ba ke ni ye n bɔɔnɔɔb le.

Uwumbɔr aagbaŋ

⁸ Ni yaa ŋani tinyoor sakpen tii Nte Uwumbɔr kan, nima le ga nyuŋ u, ki ga mɔk ke ni sil ye maadidiliib.

Jɔnn 15:8 ပူးပေါင်းရင်းမြစ်များ

Matiu 5:16

Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

Matiu 5:44

Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Matiu 9:8

Kuninfogbaluŋin kaah kan man ni, le bijawaam choo bi, le bi pag Uwonbɔr nin waah sei uninfosaal tininkper a pɔɔm nan a booli.

Tibɔnyaan ti Luk ŋmee ti na 6:35

“Amaa ni li jiɛ ni dataama, ki li tun nan ŋan ki tenn ba, ki li peŋ ba, ki laa tiɛr ke bi li yɔ jiin ni. Ni nyɔɔr na li yab, le ki ji na li ye Uwonbɔr wan be paab nan a buwaab, nan bu-n u ma tun nan ŋan ki tenn ban a num kaa gbee niba nin bipootondam.

Jɔnn 13:35

Ni ye ke ni jiɛ tab ke, ni ma le li che uninfo biɛn biɛ ke ni ye n bɔɔnɔɔb le.”

Jɔnn 15:5

“Min le ye linyagil; le ni ye ibon. Ni ye ke uninfosaal be nin min wee n be nin u ke, u li lo iloon takpem; naa ye n bu ke naa li fir ŋa niba.

Jɔnn 8:31

Le Yisa nan bei Juu yaab ban nan ŋa u yada-n ke, “Ni ye ke ni ŋmag maah wɔɔn man nin ke, ni sin ye n bɔɔnɔɔb le.

1 Korenti 10:31

Ni ye ni jin, bee ni nyun bee ni ŋa nan biɛn ke, ni che nin don Uwonbɔr a yinl.

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Taitus 2:10

ki laa su bi wan yɔɔri, amaa wee ki wɔɔn ke bi sin ye ban wee bi li ŋa bi yada le, wee niwann biɛn nin bin che Uwonbɔr wan ye ti feeru win a wɔɔmin li jɔɔ kɔlisa.

Taitus 2:5

ki li chor biba, ki li be kasi, ki li jɔɔ inunman bi niin yin, ki li be nbamɔm, ki li ye ban cheel bi chiɛb a mɔɔŋi, ni ma li che uba kaa li fir pag ki bii Uwonbɔr a bɔri.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.